మాంగళ్యం, పరాక్రమం, నిర్భంధం వంటి చిత్రాలతో నటుడిగా గుర్తింపు తెచ్చుకున్న సరోజ్ కుమార్ తాజాగా ‘ఛప్రి’ అనే వినూత్న చిత్రంతో ప్రేక్షకుల ముందుకు రాబోతున్నాడు. ఈ సినిమాకు సంబంధించిన ఫస్ట్ లుక్ పోస్టర్‌ను తాజాగా విడుదల చేశారు. ఇందులో సరోజ్ కుమార్ రా అండ్ రస్టిక్ లుక్‌లో యాక్షన్ మోడ్‌లో కనిపిస్తూ ఆకట్టుకుంటున్నాడు.
స్లమ్‌లో నివసించే ఓ యువకుడి ప్రేమకథ, అతని జీవితంలోకి ప్రవేశించే ధనవంతుల వల్ల ఎదురయ్యే అనూహ్య పరిణామాల నేపథ్యంలో ఈ చిత్రాన్ని తెరకెక్కిస్తున్నట్టు తెలియజేశాడు. ఈ సినిమాకు కథ, స్క్రీన్‌ప్లే, డైలాగ్స్, లిరిక్స్, ఎడిటింగ్, సంగీతం, దర్శకత్వం వంటి బాధ్యతలన్నింటినీ సరోజ్ కుమారే నిర్వహించడం విశేషం. అలాగే ప్రమోద్ పడమటి, పృథ్వీ చౌహాన్‌తో కలిసి ఈ చిత్రాన్ని నిర్మిస్తున్నాడు.
ఐశ్వర్య బోరా, దివ్య జ్యోతి, శ్లోకా, ప్రవీణ్, మోహన్ ఆర్య, జీవా బాలచందర్, ప్రియాంక సింగ్ కీలక పాత్రలు పోషిస్తున్నారు. త్వరలోనే మరిన్ని వివరాలను వెల్లడించనున్నారు.
