చెన్నై బ్యూటీ అమలాపాల్(Amala Paul) కొత్త జీవితం ప్రారంభించబోతోంది. తన స్నేహితుడిని ఆమె రోండో పెళ్లి చేసుకోనుంది. తన 32వ పుట్టినరోజు సందర్భంగా ఈ గుడ్న్యూస్ను వీడియో ద్వారా ఫ్యాన్స్తో పంచుకుంది. తన ఫ్రెండ్ జగత్దేశాయ్( Jagat Desai) చేసిన లవ్ ప్రపోజల్కు అమల ఎస్ చెప్పింది. దీంతో త్వరలోనే ఈ జంట పెళ్లికి రెడీ కానుంది. జగత్ గోవాలో ఓ లగ్జరీ హోటల్లో మేనేజర్గా పనిచేస్తున్నట్టు తెలుస్తోంది.
జగత్ దేశాయ్ కూడా అమలాపాల్ బ‌ర్త్‌డే వీడియోను ఇన్‌స్టాగ్రామ్ ద్వారా షేర్ చేశాడు. ఈ వీడియోలో డ్యాన్స‌ర్స్‌తో క‌లిసి స్టెప్పులు వేసిన లవర్ బోయ్ జగత్ దేశాయ్..అమ‌లాపాల్‌ను లోతుగా ఇంప్రెస్ చేశాడు. ఆ తర్వాత అమలాపాల్కు రింగ్ ఇచ్చి ప్ర‌పోజ్ చేశాడు. దీంతో..జ‌గ‌త్‌దేశాయ్‌కి అమలాపాల్ లిప్ కిస్ ఇచ్చింది. జగత్ ఈ వీడియోను ఉద్దేశించి నా క్వీన్ ఓకే చెప్పింది. త్వరలోనే పెళ్లి బాజాలు మోగ‌నున్నాయి. హ్యాపీ బ‌ర్త్ డే మై లవ్ అంటూ జగత్ దేశాయ్ పేర్కొన్నాడు. ప్రస్తుతం ఈ వీడియో వైరల్ అవుతోంది.
ఇక బోల్డ్ బ్యూటీగా పేరు తెచ్చుకున్న అమలా పాల్ గతంలో దర్శకుడు విజయ్ను ప్రేమ పెళ్లి చేసుకుంది. తర్వాత కొన్ని కారణాల వల్ల వీరిద్దరూ విడాకులు తీసుకున్నారు. చాలా కాలంగా ఆమె రెండో పెళ్లిపై రూమర్స్ వచ్చినా అవేవీ నిజం కాలేదు.
ALSO READ :- వీర హనుమాన్ డ్రోన్.. మీ క్రియేటివిటీకి సలాం బాస్..
ఈ తాజా వీడియోపై అమలకు ఫ్యాన్స్ కంగ్రాట్స్ చెప్తూ పోస్టులు పెడుతున్నారు. ప్రస్తుతం అమలాపాల్ మ‌ల‌యాళంలో పృథ్వీరాజ్ సుకుమార‌న్‌తో ఆడుజీవితం మూవీ చేస్తోంది.
