ప్రతి పనికి చాలామంది పండితులను వాస్తు పండితులను.. జ్యోతిష్య పండితులను సంప్రదిస్తారు.. ఇల్లు కొనాలన్నా.. బైక్.. కారు ..తెచ్చుకోవాలన్నా..పండితుల దగ్గరికి వెళ్లి మంచిరోజు తెలుసుకుంటారు. మరీ కొంతమందైతే పెన్ను.. పుస్తకం కొనాలన్నా జాతకం ప్రకారం కొంటారు. మరి ఏడాది పాటు రోజు చూసే క్యాలండర్ ను ఏ రోజు కొనాలి.. క్యాలండర్ కొనడానికి కూడా మంచి రోజు అవసరమా.. జ్యోతిష్య పండితులు ఏమంటున్నారు.. జ్యోతిష్య నిపుణుల ప్రకారం న్యూ క్యాలండర్ కొనేందుకు ఎలాంటి నియమాలు పాటించాలో ఈ స్టోరీలో తెలుసుకుందాం. . .!
కొత్త సంవత్సరం రాబోతుంది. దీంతో చాలా మంది తమ ఇంటిలో క్యాలెండర్ ఇప్పుడే మార్చేసుకుంటారు. నూతన క్యాలెండర్ ఇంటికి తెచ్చుకుంటారు. జ్యోతిష్యం ప్రకారం, గృహ సంబంధిత వస్తువులు (క్యాలండర్ వంటివి) మంచి రోజు చూసి కొనుగోలు చేయాలని పండితులు చెబుతున్నారు.
క్యాలండర్ వారాలు.. తేదీలే కాదు.. పండుగల వివరాలు.. నక్షత్రాలు, గ్రహాలు, తిథి, రుతువులు, పక్షం ఇలా ఎన్నో విషయాలను వివరిస్తారు. ఇంకా ఏ రోజు ఏ సమయం మంచిది.. ఏ సమయం మంచిది కాదు మొదలగు వివరాలు కూడా ఉంటాయి. ఇంతటి ప్రాధాన్యత గల క్యాలండర్ ను ఇంటికి సరైన సమయంలో తెచ్చుకోవాలని జ్యోతిష్య పండితులు చెబుతున్నారు.
ఎప్పుడు తెచ్చుకోవాలి.
జ్యోతిష్య పండితులు తెలిపిన వివరాల ప్రకారం నూతన క్యాలెండర్ సోమ, బుధ, గురు వారాల్లో తెచ్చుకుంటే అద్భుతంగా కలసి వస్తుందని చెబుతున్నారు.
- సోమవారంనాడు క్యాలెండర్‌ని తెచ్చుకోవడం వలన చంద్రుని ప్రభావం పడి ప్రశాంతత ఉంటుంది. మానసిక ప్రశాంతతని పొందడానికి వీలవుతుంది. శ్రేయస్సు కలుగుతుంది. ఆనందం ఉండచ్చు. చంద్ర అనుగ్రహంతో సమస్యలన్నీ కూడా తీరిపోతాయి.
- బుధవారం నాడు క్యాలెండర్‌ని ఇంటికి తెచ్చుకోవడం వలన కెరీర్‌లో విజయాలను అందుకోవచ్చు. శుభ ఫలితాలు కలిగి సంతోషంగా ఉండొచ్చు.
- గురువారం నాడు క్యాలెండర్ తెచ్చుకోవడం చాలా మంచి రోజు. గురువారం నాడు ఇంటికి క్యాలెండర్‌ని తీసుకు రావడం వలన ఆర్థిక శ్రేయస్సు ఉంటుంది. అదృష్టం కూడా కలిసి వస్తుంది.
- కొత్త క్యాలండర్ను ఉదయం 11. 40 గంటల నుంచి మధ్యాహ్నం 12.20 గంటలలోపు కొనుగోలు చేయాలని చెబుతున్నారు.
ఇంటికి తెచ్చిన తరువాత పాటించాల్సిన నియమాలు
- కొత్త క్యాలండర్ను ఇంటికి తీసుకువచ్చిన తరువాత ముందుగా దేవుడి దగ్గర పెట్టి చిన్న పూజ చేయాలి. అంటే పసుపు, కుంకుమ, గంధం అక్షింతలతో పూజించి.. ధూపం.. హారతి ఇవ్వాలి.
- క్యాలండర్ను ఎత్తైన, శుభ్రమైన ప్రదేశంలో చెక్క పీటలపై ఉంచండి నేలపై పెట్టకూడదు.
- రాహుకాలంలో ఇంట్లోకి క్యాలండర్ను తీసుకురావద్దు. ప్రవేశించకుండా చూసుకోండి.
- అమావాస్య రోజు కొనుగోలు చేస్తే... ఆ రాత్రి ఇంట్లో దీపం వెలిగిస్తే శుభ సూచికమని పండితులు చెబుతున్నారు.
- క్యాలండర్ మధ్యలో కుంకుమ తిలకంతో...శ్రీ... అని వ్రాయండి ... ఇది సంపదను ఆకర్షిస్తుందని చెబుతున్నారు.
Disclaimer: పైన అందించిన సమాచారం కేవలం అవగాహన కోసం మాత్రమే. ఈ కథనంలోని జ్యోతిష్య నిపుణుల సలహాలతో పాటు ఇంటర్నెట్ లో అందుబాటులో ఉన్న సమాచారం వినియోగించి రూపొందించబడింది. ఈ సమాచారాన్ని V6 వెలుగు యాజమాన్యం లేదా ఉద్యోగులు ధృవీకరించలేదు. మీకున్న జ్యోతిష్య సమస్యలకు నిపుణులను సంప్రదించటం ఉత్తమం.
