న్యూఢిల్లీ, వెలుగు: హైదరాబాద్లోని భారత్ ఫ్యూచర్ సిటీలో ఈ నెల 8, 9 తేదీల్లో నిర్వహించనున్న తెలంగాణ రైజింగ్ గ్లోబల్ సమిట్కు హాజరుకావాలని కేంద్ర పరిశ్రమలు, వాణిజ్య శాఖ మంత్రి పీయూష్ గోయల్ను డిప్యూటీ సీఎం భట్టి విక్రమార్క ఆహ్వానించారు. పార్లమెంట్లో కేంద్ర మంత్రిని ఆయన కలిశారు.
సమిట్లో ఆవిష్కరించనున్న విజన్ డాక్యుమెంట్ గురించి కేంద్ర మంత్రికి డిప్యూటీ సీఎం వివరించారు. డిప్యూటీ సీఎం వెంట ఎంపీలు డాక్టర్ మల్లు రవి, కుందూరు రఘువీర్ రెడ్డి, గడ్డం వంశీ కృష్ణ, సురేశ్ షెట్కార్, చామల కిరణ్ కుమార్ రెడ్డి, డాక్టర్ కడియం కావ్య, అనిల్ కుమార్ యాదవ్ ఉన్నారు.
