- ఫీజు భరించేందుకు ముందుకు వచ్చిన ఎమ్మెల్సీ కవిత
- రూ.లక్షా 50 వేలు ఇచ్చిన ఇజ్రాయిల్ తెలంగాణ అసోసియేషన్
నిజామాబాద్, వెలుగు : యూ ట్యూబ్ లో వీడియో క్లాసులు విని ఎంబీబీఎస్ ర్యాంక్ సాధించిన ఇందూరు విద్యార్థిని హారిక మెడిసిన్ కు అయ్యే ఖర్చును తాము భరిస్తామని భువనగిరి ఎంపీ కోమటి రెడ్డి వెంకట్ రెడ్డి, నిజామాబాద్ ఎమ్మెల్సీ కల్వకుంట్ల కవిత వేర్వేరుగా హామీ ఇచ్చారు. హారిక పీజీ చదివేంతవరకు ప్రతీక్ ఫౌండేషన్ఆర్థిక సహాయం చేస్తుందని కోమటిరెడ్డి వెంకటరెడ్డి ప్రకటించగా, ఈనెల 11న ఫీజుకు సంబంధించిన చెక్ను అందజేయనున్నట్టు ఎమ్మెల్సీ కవిత తెలిపారు. వీరితో పాటు ఇజ్రాయిల్ తెలంగాణ అసోసియేషన్ ప్రతినిధులు సోమరవి, దూడ రవి నేతృత్వంలో రూ.లక్షా 50 వేలు, ఎన్ఆర్ ఐ లక్ష్మారెడ్డి రూ. 50 వేలు ఆర్థిక సహాయం చేశారు. మరికొంతమంది దాతలు, సంస్థలు రూ.లక్షా 55 వేలను ఫోన్ పే, గుగూల్ పే ద్వారా పంపించారు.
