- మాజీ ఎమ్మెల్సీ ఆకుల లలిత రాజీనామా
- కాంగ్రెస్లో చేరిన బోధన్ మున్సిపల్ చైర్పర్సన్ పద్మ, కౌన్సిలర్లు
నిజామాబాద్, వెలుగు: నిజామాబాద్ జిల్లాలో బీఆర్ఎస్కు పెద్ద షాక్ తగిలింది. మాజీ ఎమ్మెల్యే, రాష్ట్ర విమెన్ ఫైనాన్స్ కార్పొరేషన్ చైర్ పర్సన్ ఆకుల లలిత, బోధన్మున్సిపల్ చైర్పర్సన్ తూము పద్మ, ఆమె భర్త శరత్రెడ్డి, పలువురు కౌన్సిలర్లు బీఆర్ఎస్కు గుడ్బై చెప్పారు. పద్మ, శరత్రెడ్డి సోమవారం కాంగ్రెస్లో చేరగా.. ఆకుల లలిత కూడా నేడో రేపో కాంగ్రెస్లో చేరనున్నారు. తన సామాజికవర్గానికి చెందిన ఓట్లు ఎక్కువగా ఉన్న నిజామాబాద్ అర్బన్ టికెట్ లలిత ఆశించారు. అయితే సీఎం కేసీఆర్ సిట్టింగ్ఎమ్మెల్యే గణేశ్గుప్తకే మళ్లీ టికెట్ ఇవ్వడంతో నారజ్గా ఉన్న ఆమె పార్టీ వీడారు. ఆమెకు అర్బన్ టికెట్ఇవ్వడానికి కాంగ్రెస్ హైకమాండ్ సానుకూలంగా ఉన్నట్టు తెలుస్తున్నది.
షకీల్ను ఓడించేందుకే..
బోధన్ మున్సిపల్ చైర్ పర్సన్ తూము పద్మ, ఆమె భర్త, కౌన్సిలర్ శరత్రెడ్డికి చాలాకాలంగా ఎమ్మెల్యే షకీల్తో విబేధాలున్నాయి. బోధన్లో శివాజీ విగ్రహ ప్రతిష్టాపన సందర్భంగా వారి మధ్య వైరం మొదలైంది. ఈ వ్యవహారంలో శరత్రెడ్డిపై పోలీసు కేసు కూడా నమోదైంది. పద్మ దంపతులు రెండుసార్లు ఎమ్మెల్సీ కల్వకుంట్ల కవితతో సంప్రదింపులు జరిపారు. మళ్లీ షకీల్కు టికెట్ఇస్తే ఓడిస్తామని కవితకు తెగేసి చెప్పారు. అయినా టికెట్ షకీల్కే ఇవ్వడంతో పద్మ దంపతులు బీఆర్ఎస్వీడారు. సోమవారం హైదరాబాద్లో పీసీసీ చీఫ్ రేవంత్ సమక్షంలో వారు కాంగ్రెస్లో చేరారు.
