- బీటెక్లో 89,400 సీట్లకు ప్రైవేటు కాలేజీల దరఖాస్తు
- జేఎన్టీయూ వీసీ కట్టా నర్సింహారెడ్డి
వచ్చే నెల ఫస్ట్ నుంచి అన్ని టెక్నికల్ కాలేజీల్లో టీచింగ్, నాన్ టీచింగ్ సిబ్బందికి బయోమెట్రిక్ అటెండెన్స్ విధానాన్ని అమలు చేస్తామని జేఎన్టీయూహెచ్ వీసీ కట్టా నర్సింహారెడ్డి చెప్పారు. రూల్స్ ప్రకారం సిబ్బందికి మేనేజ్మెంట్లు జీతాలివ్వాల్సిందేనని అన్నారు. మేనేజ్మెంట్లు జీతాలిచ్చి వెనక్కి తీసుకుంటున్నాయనే విషయం తమ దృష్టికి వచ్చిందని, దీంతో ప్రస్తుతం కాలేజీల నుంచి తీసుకున్న శాలరీ డీటెయిల్స్ను(ఫామ్16) ఐటీ శా ఖకు పంపిస్తున్నట్లు స్పష్టం చేశారు. బుధవారం జేఎన్టీయూహెచ్లో విలేకరులతో మాట్లాడారు. జేఎన్టీయూహెచ్పరిధిలో 2021–22 అకడమిక్ ఇయర్లో మొత్తం 232 ప్రైవేటు టెక్నికల్, ప్రొఫెషనల్ కాలేజీలు అఫిలియేషన్కు దరఖాస్తు చేశాయని చెప్పారు. వీటిలో 148 ఇంజినీరింగ్, 73 ఫార్మసీ, 11 ఎంబీఏ, ఎంసీఏ కాలేజీలున్నట్టు వెల్లడించారు. నాలుగు ఇంజినీరింగ్ కాలేజీలు మూసివేసేందుకు లెటర్ పెట్టుకున్నట్టు చెప్పారు. ఈ ఏడాది బీటెక్లో 89,400 సీట్లు, బీఫార్మసీలో 6,940, ఎంటెక్లో 6,258, ఎంఫార్మసీలో 3,036, ఎంబీఏలో 10,125, ఎంసీఏలో 180, ఫార్మాడీలో 1,320, ఫార్మాడీ(పీబీ)లో 180 సీట్లకు కాలేజీలు అప్లై చేసుకున్నాయని తెలిపారు. అయితే కాలేజీల్లో తనిఖీలు జరుగుతున్నాయని, ఆ ప్రక్రియ పూర్తయిన తర్వాత ఆయా కాలేజీల్లో ఫెసిలిటీస్కు అనుగుణంగా సీట్ల అలాట్మెంట్చేస్తామని స్పష్టం చేశారు. ఈ ఏడాది 5 వేల మంది లెక్చరర్ల రాటిఫికేషన్ కోసం దరఖాస్తు చేసినట్టు చెప్పారు. త్వరలో ఈ విధానానికి స్వస్తి చెప్పి అర్హత పరీక్ష పెట్టాలని యోచిస్తున్నట్టు తెలిపారు.
