మక్తల్, వెలుగు: నియోజకవర్గానికి చెందిన బీజేపీ రాష్ట్ర నేత మాదిరెడ్డి జలంధర్ రెడ్డి శనివారం సీఎం రేవంత్రెడ్డి సమక్షంలో కాంగ్రెస్ లో చేరారు. గురువారం బీజేపీకి రాజీనామా చేసిన ఆయన ఢిల్లీలో రాష్ట్ర ప్రభుత్వ ప్రత్యేక ప్రతినిధి ఏపీ జితేందర్ రెడ్డి, పాలమూరు ఎంపీ క్యాండిడేట్ చల్లా వంశీచంద్ రెడ్డితో హైదరాబాద్ లో సీఎంను కలిశారు. ఆయ‌‌‌‌న‌‌‌‌కు కాంగ్రెస్ కండువా కప్పి పార్టీలోకి ఆహ్వానించిన సీఎం పార్లమెంట్ ఎన్నికల్లో గెలుపే లక్ష్యంగా పని చేయాలని సూచించారు.
నారాయణపేట: నారాయణపేట మున్సిపల్ వైస్ చైర్మన్ హరినారాయణ భట్టడ్, మాజీ కౌన్సిలర్లు వినోద్, మారుతి, పట్టణానికి చెందిన పలువురు నేతలు కాంగ్రెస్ పార్టీలో చేరారు. వారికి ఎమ్మెల్యే చిట్టెం పర్ణికారెడ్డి, నియోజకవర్గ ఇన్చార్జి శివకుమార్ రెడ్డి కండువా కప్పి పార్టీలోకి ఆహ్వానించారు. అలాగే మరికల్ మాజీ ఉప సర్పంచ్ శివకుమార్ తోపాటు వార్డు మెంబర్లు నాగరాజు, చంద్రయ్య, 100 మంది కాంగ్రెస్లో చేరారు. నారాయణపేట మండలం సింగారం గ్రామానికి చెందిన మాజీ సర్పంచ్ జయంతి శ్రీనివాస్ రెడ్డితో పాటు బీఆర్ఎస్, బీజేపీ కార్యకర్తలు కాంగ్రెస్ లో చేరారు.
