హైదరాబాద్, వెలుగు: రాబోయే ఎన్నికల్లో బీఆర్ఎస్కు జనం తగిన బుద్ధి చెబుతారని.. శేరిలింగంపల్లిలో బీజేపీ గెలుపు ఖాయమని సెగ్మెంట్ ఇన్చార్జి గజ్జల యోగానంద్ తెలిపారు. ప్రజా సమస్యలపై సెగ్మెంట్ పరిధిలో ఆయన చేపట్టిన పాదయాత్ర 64వ రోజుకు చేరింది.
గురువారం వివేకానందనగర్ డివిజన్, రామకృష్ణనగర్, ఆర్పీ కాలనీల్లో యోగానంద్ పర్యటించారు. స్థానిక జనం, కార్మికుల సమస్యలను తెలుసుకున్నారు. ఈ సందర్భంగా ఆయన మాట్లాడుతూ.. కబ్జాలు చేయడం తప్ప స్థానిక సమస్యలను ఎమ్మెల్యే పట్టించుకోవడం లేదని మండిపడ్డారు. యోగానంద్ వెంట డివిజన్ అధ్యక్షుడు నర్సింగ్ గౌడ్, నాయకులు ఉన్నారు.
