- 85 ఏండ్లు నిండిన వారికి హోం ఓటింగ్ సౌకర్యం
- హనుమకొండ కలెక్టర్ సిక్తా పట్నాయక్
శాయంపేట, వెలుగు : బీఎల్వోలు ఓటర్లకు సంబంధించిన రికార్డులను మేయింటెన్ చేయాలని, ఆఫీసర్లు రికార్డులను తనిఖీ చేయాలని హనుమకొండ కలెక్టర్ సిక్తా పట్నాయక్ సూచించారు. ఎంపీ ఎలక్షన్ల నేపథ్యంలో శుక్రవారం శాయంపేట మండలంలోని పలు గ్రామాల్లో పోలింగ్ స్టేషన్లను కలెక్టర్ తనిఖీ చేశారు. ఈ సందర్భంగా పోలింగ్ కేంద్రాల్లో సౌకర్యాలను పరిశీలించారు. బీఎల్వోలు డెత్, డుప్లికేట్, కొత్త ఓటర్లకు సంబంధించిన రికార్డులు మేయింటెన్ చేయకపోవడంతో అసహనం వ్యక్తం చేశారు.
సూపర్వైజర్లు బీఎల్వోలకు ఎన్నికలకు సంబంధించి సమాచారం అందించాలన్నారు. 85 ఏండ్లు నిండి, బెడ్రెస్ట్లో, పూర్తి అంగవైకల్యం ఉండి పోలింగ్ స్టేషన్కు రాని వారితో హోం ఓటింగ్ వేయించాలన్నారు. ఇప్పటి వరకు కొత్తగా ఎంత మంది ఓటర్లను నమోదుచేశారో బీఎల్వోలను, మోడల్ కండక్ట్ కు సంబంధించి గ్రామాల్లో ఎలాంటి చర్యలు తీసుకున్నారో ఎంపీడీవోను అడిగి తెలుసుకున్నారు. కోడ్ ఉల్లంఘించకుండా చర్యలు తీసుకోవాలని ఎన్నికల ఆఫీసర్లకు కలెక్టర్ సూచించారు. అనంతరం మైలారం గ్రామంలో మధ్యాహ్న భోజనం చేస్తున్న చిన్నారులతో కలెక్టర్ మాట్లాడారు. క్లాస్రూంలో చిన్నారులతో ఇంగ్లిష్ పాఠాన్ని చదివించారు. కలెక్టర్ వెంట తహసీల్దార్లు ఫణిచంద్ర, సుభాషిణి, ఏఎస్వో, ఆర్ఐ శరత్కుమార్ పాల్గొన్నారు.
