ఎయిర్ ఇండియా విమానానికి బాంబు బెదిరింపు రావడంతో జైపూర్ విమానాశ్రయంలో అత్యవసరంగా ల్యాండ్ అయింది. గతంలో విస్తారా సర్వీస్‌కు చెందిన, ప్రస్తుతం ఎయిర్ ఇండియా నడుపుతున్న 'AI 2030' విమానానికి బాంబు బెదిరింపు వచ్చినట్లు సమాచారం అందింది. దింతో అప్రమత్తమైన అధికారులు ఆ విమానాన్ని వెంటనే జైపూర్ విమానాశ్రయానికి మళ్లించి, సురక్షితంగా దించారు.
విమానం ల్యాండ్ అయిన వెంటనే భద్రతా సిబ్బంది అప్రమత్తమై, ముందుజాగ్రత్త చర్యలు చేపట్టారు. ప్రయాణికులలో ఈ ఘటన కొంత ఆందోళన కలిగించింది. అయితే, బాంబు బెదిరింపు ఎక్కడి నుంచి వచ్చింది, విమానంలో ఎంతమంది ప్రయాణికులు ఉన్నారు అనే పూర్తి వివరాలు ఇంకా తెలియాల్సి ఉంది.
