హాలీవుడ్ నటి, సింగర్ బ్రిట్నీ స్పియర్స్ (39) మ్యారేజ్ కు సంబంధించి విషయం తెలిపింది. తన ఫ్రెండ్ శామ్ అస్ఘరీతో ఎంగేజ్ మెంట్ చేసుకున్నట్టు ఆమె ప్రకటించింది. ఇన్స్టాగ్రామ్ వీడియో ద్వారా ఈ విషయాన్ని అనౌన్స్ చేసింది. ఇందులో ఆమె ఎంగేజ్ మెంట్ రింగ్ ను చూపించింది. 'రింగ్ నీకు నచ్చిందా?' అని ఆమె ప్రియుడు ప్రశ్నించగా... 'ఎస్' అంటూ ఆమె సమాధానం ఇచ్చింది.
2016లో ఓ మ్యూజిక్ వీడియో సందర్భంగా వీరిద్దరూ పరిచయం అయ్యారు. ఆ తర్వాత ప్రేమలో పడ్డారు. ఇన్స్టాలో ఈ పోస్టును చూసిన వెంటనే ఆమె బెస్ట్ ఫ్రెండ్, పాప్ సింగర్, హాలీవుడ్ నటి పారిస్ హిల్టన్ స్పందిస్తూ బ్రిట్నీకి శుభాకాంక్షలు తెలిపింది. బ్రిట్నీ ప్రియుడు శామ్ కూడా నటుడే.
