పాత కాలం ఫర్నీచర్, అందంగా ముస్తాబు చేసిన హాళ్లు, చూడంగనే కంట్ల ముద్రపడిపోయే సీలింగులు, సకల హంగులు.. అన్నీ కలిసి ఆ హోటల్ను ప్రత్యేకంగా నిలిపాయి. ప్రపంచంలోనే ఉత్తమ హోటల్ను చేశాయి. ఆ హోటల్ లిస్బన్లోని కాసా ఫార్చునేటో. ఆంటోనియో ఫాల్కవో కోస్టా లోప్స్, ఫిలిపా ఫార్చునేటో అనే దంపతులు ఆ హోటల్ను నడుపుతున్నారు. బయట చూడ్డానికి మామూలుగానే కనిపించినా లోపలికి వెళితే ఆ హోటల్ హంగులు తెలుస్తాయి. అందుకే ఏటా బెస్ట్ హోటళ్లను ఎంపిక చేసే మిస్టర్ అండ్ మిసెస్ స్మిత్ ఫౌండేషన్, ఈ సారి కాసా ఫార్చునేటోను బెస్ట్ స్మిత్ హోటల్ను ఎంపిక చేసింది. అక్టోబర్ 10న అమెరికాలోని లాస్ ఏంజిలిస్లో జరిగిన కార్యక్రమంలో బెస్ట్ హోటల్గా దానిని స్మిత్ ఫౌండేషన్ ప్రకటించింది. చిన్న టౌన్లో ఓ మామూలు ఫ్యామిలీ నడుపుతున్న ఈ ఇంటి లాంటి హోటల్ చాలా అందంగా, కుటుంబ సమేతంగా వచ్చేలా ఉందని స్మిత్ ఫౌండేషన్ ఓనర్ జేమ్స్ లోహన్ చెప్పారు. వివిధ కేటగిరీల్లోనూ మంచి హోటళ్లను ఎంపిక చేశారు.
- బెస్ట్ స్మిత్ హోటల్– కేసా ఫార్చునేటో, లిస్బన్, పోర్చుగల్
- బెస్ట్ డ్రెస్డ్ హోటల్– పలాజో డేనియిలి, పుగ్లియా, ఇటలీ
- వరల్డ్స్ సెక్సీయెస్ట్ బెడ్రూం– జోలీ, మాల్దీవులు
- బెస్ట్ డేట్ నైట్ బార్– మైసన్ డి లా లుజ్, న్యూ ఓర్లీన్స్, లూసియానా
- బెస్ట్ స్మిత్ విల్లా– ఉషువా అల్మా కేసా ఆండర్సన్, బహియా, బ్రెజిల్
- మోస్ట్ స్పాయిలింగ్ స్పా – యుఫోరియా రిట్రీట్, మిస్త్రాస్, గ్రీక్
- బెస్ట్ బడ్జెట్ బోటిక్– సాండ్స్ హోటల్ అండ్ స్పా, పామ్ స్ప్రింగ్స్, కాలిఫోర్నియా
- బెస్ట్ ఫ్యామిలీ హోటల్– దతాయ్ లంక్వాయి, మలేసియా
- కూలెస్ట్ క్రియేటివ్ హబ్– లోటెల్ ఎట్ డోస్ 18 కాన్సెప్ట్ హౌస్, శాన్ మిగ్వెల్ డి అలెండె, మెక్సికో
- లోకల్ హోటల్ హీరో – సాల్ట్ ఆఫ్ పామర్, మారిషస్
