మీకు సెక్సువల్‌ పార్ట్‌‌నర్‌ లేరా? అయితే మీది వికలాంగుల కేటగిరీనే. స్వయంగా వరల్డ్‌ హెల్త్ ఆర్గనైజేషన్(WHO) ఈ విషయాన్ని అతి త్వరలో చెప్పబోతోంది. ఇందుకు సంబంధించి మార్గదర్శకాలనూ తీసుకురానుంది. త్వరలోనే డిసెబిలిటీ కేటగిరీలో మార్పులు చేయబోతోంది. యాక్టివ్‌ సెక్సువల్‌ లైఫ్‌ లేకున్నా, పిల్లలు లేకున్నా ఇప్పటివరకు వికలాంగులుగా గుర్తించలేదు. కానీ డబ్ల్యూహెచ్‌‌వో తాజా నిర్ణయంతో మొత్తం మారిపోనుంది. ఆ మార్గదర్శకాల ప్రకారం సెక్సువల్‌ పార్ట్‌‌నర్‌ లేకున్నా, 12 నెలల్లోగా ప్రెగ్నెంట్‌ కాకున్నా, ఎక్కువగా అన్‌ ప్రొటెక్టెడ్‌ సెక్స్‌ చేస్తున్నా వికలాంగులుగానే గుర్తిస్తారు. హెటిరో సెక్సువల్‌, గే భార్యాభర్తలూ దీని పరిధిలోకి వస్తారు. డబ్ల్యూహెచ్‌‌వో తాజా నిర్ణయాన్ని విమర్శకులు, నెటిజన్లు తప్పుబడుతున్నారు. ఇవి అర్థంలేని, సంబంధం లేని నిబంధనలని అంటున్నారు. నేషనల్ ఇన్స్‌‌టిట్యూట్ ఫర్ హెల్త్ కేర్ ఎక్సలెన్స్ (ఎన్ఐహెచ్ ఈ) మార్గదర్శకాలకూ ఇది విరుద్ధమని చెబుతున్నారు. వ్యతిరేకత దృష్ట్యా కొత్త రూల్స్ ను డబ్ల్యూహెచ్ వో తీసుకొస్తుందా లేదా చూడాలి మరి.
