- విద్యుత్శాఖ సిబ్బందిపై చైతన్యపురి పోలీసుల ఒత్తిడి
- డీసీపీకి అధికారులు, సిబ్బంది ఫిర్యాదు
ఎల్బీనగర్, వెలుగు : సంబంధం లేని ఓ కేసులో సాక్షులుగా ఉండాలంటూ విద్యుత్ కార్మికులపై చైతన్యపురి పోలీసులు దౌర్జన్యానికి పాల్పడ్డారు. కొత్తపేట సబ్ స్టేషన్ లో విద్యుత్ శాఖ అసిస్టెంట్ లైన్ మెన్ఎడ్ల జగన్, ఆర్టిజన్ శరత్ కుమార్ పని చేస్తున్నారు. సోమవారం రాత్రి 10 గంటలకు కొత్తపేట విద్యుత్ ఆఫీసుకు చైతన్యపురి కానిస్టేబుల్స్బాల్ రాజు, దశరథతో పాటు సివిల్డ్రెస్లో ఉన్న మరొకరు వచ్చారు. సమీపంలో గంజాయి దొరికిందని, దానికి సాక్షులుగా ఉండాలని కోరారు. దీనికి జగన్, శరత్ ఒప్పుకోలేదు.
ఈ విషయంలో సదరు కానిస్టేబుల్స్కు, విద్యుత్ సిబ్బందికి తీవ్ర వాగ్వాదం జరిగింది. ఎలాగైనా సాక్ష్యం ఉండాలంటూ వారిని అక్కడి నుంచి లాక్కెళ్లే ప్రయత్నం చేశారు. ఎంతకీ వినకపోవడంతో పోలీసులు జగన్, శరత్ సెల్ఫోన్లను లాక్కొని పోయారు. ఈ దృశ్యాలను స్థానికులు వీడియో తీసి సోషల్మీడియాలో పెట్టారు. మంగళవారం ఉదయం విద్యుత్ శాఖ ఎస్సీ, డీఈ, ఏఈ, సిబ్బంది ఎల్బీనగర్ డీసీపీ ఆఫీసుకు వెళ్లి ఫిర్యాదు చేశారు. మరోవైపు పోలీసుల తీరుకు నిరసనగా విద్యుత్ శాఖ సిబ్బంది విద్యుత్ ఆఫీసు ఎదుట ధర్నాకు దిగారు.
