హైదరాబాద్, వెలుగు: రాష్ట్ర వ్యాప్తంగా జనరల్ స్థానాల్లో సర్పంచులుగా బీసీలు ఎన్నికల బరిలో నిల్చోవాలని బీసీ జేఏసీ చైర్మన్ జాజుల శ్రీనివాస్ గౌడ్ పిలుపునిచ్చారు. జనరల్ స్థానాలలో నిల్చున్న బీసీలను గెలిపించుకునే బాధ్యత బీసీ సమాజం తీసుకుంటుందన్నారు.
శుక్రవారం సిటీలోని బీసీ జేఏసీ ఆఫీసులో ఆదివారం నిర్వహించనున్న బీసీల రాజకీయ యుద్ధభేరి సభ సన్నాహక సమావేశం జరిగింది. జాజుల శ్రీనివాస్ గౌడ్ మాట్లాడుతూ ఎన్నికల షెడ్యూల్ తో సంబంధం లేకుండా బీసీ రిజర్వేషన్ల ఉద్యమాన్ని ఇంకా ఉధృతం చేస్తామన్నారు. చలో హైదరాబాద్లో భాగంగా ఇందిరా పార్క్ వద్ద ఉదయం 10 గంటలకు బీసీల రాజకీయ యుద్ధభేరి మహాసభ నిర్వహిస్తున్నామన్నారు.
