చంద్రయాన్ 3 ప్రయోగాన్ని జులైలో చేపడతామని ఇండియన్ స్పేస్ రిసెర్చ్ ఆర్గనైజేషన్ (ఇస్రో) చీఫ్ ఎస్.సోమనాథ్ తెలిపారు. చంద్రయాన్ 3 ప్రయోగానికి సంబంధించిన ఏర్పాట్లను ఈనెల 12న ప్రారంభిస్తామని చెప్పారు.
న్యూఢిల్లీ: చంద్రయాన్ 3 ప్రయోగాన్ని వచ్చే నెల జులైలో చేపడతామని ఇండియన్ స్పేస్ రీసెర్చ్ ఆర్గనైజేషన్(ఇస్రో) చీఫ్ ఎస్.సోమనాథ్ తెలిపారు. ఇండియా టుడే కాంక్లేవ్ సౌత్ 2023లో ఆయన మాట్లాడారు. చంద్రయాన్ 3 ప్రయోగానికి సంబంధించిన ఏర్పాట్లను ఈ నెల 12న ప్రారంభిస్తామని చెప్పారు. ‘‘చంద్రయాన్ 2లాగే చంద్రయాన్ 3లోనూ ఒకేరకమైన సైంటిఫిక్ ఆర్కిటెక్చర్ ఉంటుంది. మిషన్ ఉద్దేశం కూడా ఒకేలా ఉంటుంది.
చంద్రయాన్ 3 ప్రయోగ తేదీని త్వరలోనే వెల్లడిస్తం” అని సోమనాథ్ తెలిపారు. ఇక చంద్రయాన్ 2 మిషన్ ఫెయిలైనా.. ఆర్బిటర్ ఇంకా పనిచేస్తున్నదని, డేటా పంపుతున్నదని ఆయన వెల్లడించారు. చంద్రయాన్ 2 మిషన్ ఎందుకు ఫెయిలైందో తెలుసుకునేందుకు తాము చాలా కష్టపడ్డామని పేర్కొన్నారు. సాఫ్ట్ వేర్ లో ఎర్రర్ వల్లే ఆ మిషన్ ఫెయిల్ అయిందని చెప్పారు. అలాగే సూర్యడిపై అధ్యయనం చేయడానికి డిజైన్ చేసిన ఆదిత్య ఎల్ 1 మిషన్ ను ఆగస్టులో నిర్వహిస్తామని సోమనాథ్ వెల్లడించారు.
