వాషింగ్టన్ : మీరు బిజీగా ఉన్నారా ? వాట్సాప్ చాటింగ్ చేసే తీరిక లేదా ? టెక్స్ట్మెసేజ్ లు టైప్ చేసే టైం లేదా ? అయితే మీ తరఫున చాటింగ్ చేసేందుకు చాట్ జీపీటీ రెడీ అయ్యింది. అచ్చం మీ స్టైల్లోనే వాట్సాప్ చాట్ లకు రిప్లైలు ఇచ్చేందుకు టెక్ సరంజామా సిద్ధం చేసుకుంది. వాట్సాప్ అధికారికంగా చాట్ జీపీటీకి సంబంధించిన ట్యాబ్ను ఇంకా అందుబాటులోకి తేలేదు. అయితే వాట్సాప్ను చాట్ జీపీటీతో ఇంటిగ్రేట్చేసే పైథాన్ స్క్రిప్ట్ను డానియెల్ గ్రాస్ అనే డెవలపర్ మైక్రోసాఫ్ట్ గిట్ హబ్ ప్లాట్ఫామ్పై రాశాడు. దానికి ‘వాట్సాప్జీపీటీ’ అని పేరు పెట్టాడు. దానికి సంబంధించిన లింక్ (https://github.com/danielgross/whatsapp–-gpt)పై క్లిక్ చేసి మైక్రోసాఫ్ట్కు చెందిన గిట్హబ్ ప్లాట్ఫామ్ద్వారా మన వాట్సాప్తో చాట్ జీపీటీని లింక్ చేసుకోవచ్చు.
ఈ ఫైల్ ను ఓపెన్ చేయగానే ‘server.py’ ఫైల్ను ఎగ్జిక్యూట్ చేయాలి. తొలుత సర్వర్ నడుస్తున్న సమయంలో ‘is’ అని టైప్ చేసి ఎంటర్బటన్ నొక్కాలి. ఆ తర్వాత ‘python server.py’ ఫైల్పై క్లిక్ చేయగానే ఆటోమెటిక్గా మీ వాట్సాప్ నంబర్తో చాట్ జీపీటీ కాన్ఫిగరేషన్ పూర్తవుతుంది. చివరగా ‘వెరిఫై ఐయామ్ ఎ హ్యూమన్’ అనే బాక్స్ వస్తుంది. దానిపై క్లిక్ చేసి మీరు మనిషే అని ధ్రువీకరిస్తే ప్రాసెస్ కంప్లీట్ అవుతుంది. అయితే ఈ పైథాన్ స్క్రిప్ట్ ను వినియోగించేందుకు వీలుగా మీ ఫోన్లో లాంగ్వేజ్ లైబ్రరీని డౌన్లోడ్ చేసుకోవాల్సి ఉంటుంది.
