న్యూఢిల్లీ: ఓపెన్ఏఐ చాట్‌‌‌‌‌‌‌‌‌‌‌‌‌‌‌‌బాట్ చాట్జీపీటీ సేవలు మంగళవారం ప్రపంచవ్యాప్తంగా కొంతసేపు నిలిచిపోయాయి. ఎన్నో దేశాల్లో వేలాది మంది ఈ ప్లాట్ఫారాన్ని ఉపయోగించుకోలేకపోయారు. మనదేశంతోపాటు యూఎస్లో చాట్జీపీటీ పనిచేయలేదంటూ పెద్ద ఎత్తున ఫిర్యాదులు వచ్చాయి.
రియల్-టైమ్ మానిటరింగ్ ప్లాట్‌‌‌‌‌‌‌‌‌‌‌‌‌‌‌‌ఫామ్ డౌన్‌ డెటెక్టర్ ప్రకారం, మధ్యాహ్నం మూడు గంటల ప్రాంతంలో ఎక్కువగా ఫిర్యాదులు వచ్చాయి. మనదేశంలోనే 800 ఫిర్యాదులు లాగిన్ అయ్యాయి. చాట్‌‌‌‌‌‌‌‌‌‌‌‌‌‌‌‌బాట్ ప్రశ్నలకు ప్రతిస్పందించలేదని, మొబైల్ యాప్‌ కూడా పనిచేయలేదని ఫిర్యాదులు చేశారు. కొంత మంది ఏపీఐ -సంబంధిత సమస్యలను ఎదుర్కొన్నామని పేర్కొన్నారు.
