- ముగ్గురు ఫైర్ సిబ్బందికి అస్వస్థత
- జీడిమెట్ల ఇండస్ట్రియల్ లో ఘటన
జీడిమెట్ల, వెలుగు : కెమికల్డ్రమ్ములు లీకై ఓ కంపెనీలో అగ్ని ప్రమాదం జరిగిన ఘటన జీడిమెట్ల ఇండస్ట్రియల్ ఏరియాలో జరిగింది. పోలీసులు, స్థానికులు తెలిపిన వివరాల ప్రకారం.. జీడిమెట్ల ఇండస్ట్రియల్ఏరియాలోని ఫేజ్-1, ప్లాట్నంబర్ 13లో శ్రీశ్రీ కెమికల్స్ కంపెనీని శ్రీకాంత్అనే వ్యక్తి నిర్వహిస్తున్నాడు. ఆదివారం రాత్రి నిల్వ ఉంచిన కెమికల్ డ్రమ్ములు లీకై ముందుగా ఘాటైన వాసనలు వచ్చాయి. దీంతో స్థానికులకు శ్వాస తీసుకోవడం కష్టమై ఉక్కిరిబిక్కిరయ్యారు. అనంతరం కెమికల్ డ్రమ్ములు పేలడంతో మంటలు ఎగసిపడ్డాయి.
ALSO READ : పదేండ్లలో జరిగింది అభివృద్ధి కాదు..అవినీతి: పౌరసమాజం
దీంతో జీడిమెట్ల సిబ్బంది సంఘటనా స్థలానికి వెళ్లారు. అక్కడ ఘాటైన వాసనలు వెలువడడంతో ఫైర్ సిబ్బందికి కూడా శ్వాసతీసుకోవడం కష్టంగా మారింది. దీంతో ముగ్గురు సిబ్బంది అస్వస్థతకు గురవగా.. వెంటనే ఆస్పత్రికి తరలించారు. అనంతరం జీడిమెట్ల ఫైర్ఆఫీసర్ సుభాశ్రెడ్డి ఆధ్వర్యంలో సిబ్బంది మంటలను అదుపులోకి తెచ్చారు. నిబంధనలు పాటించని పరిశ్రమపై కఠిన చర్యలు తీసుకోవాలని ప్రజలు కోరారు.
