కోల్బెల్ట్, వెలుగు: మందమర్రిలో లెదర్ పార్కును రీఓపెన్ చేసేందుకు కృషి చేస్తానని చెన్నూరు ఎమ్మెల్యే వివేక్ వెంకటస్వామి హామీ ఇచ్చారు. గురువారం రాత్రి మందమర్రిలో ఆది జాంబవ సంఘం సభ్యుల ఆత్మీయ సమ్మేళనానికి మాజీ ఎమ్మెల్యే నల్లాల ఓదెలు, జడ్పీ చైర్ పర్సన్ నల్లాల భాగ్యలక్ష్మితో కలిసి ఆయన ముఖ్యఅతిథిగా హాజరై మాట్లాడారు. భారత రాజ్యాంగాన్ని మార్చేందుకు బీజేపీ కుట్ర చేస్తోందని ఆరోపించారు. అనంతరం యాపల్ఏరియా, రామకృష్ణాపూర్ లోని సూపర్ బజార్లో జరిగిన కాంగ్రెస్ కార్నర్ మీటింగ్ల్లో పాల్గొని మాట్లాడారు. ఉదయం జైపూర్ మండలం ఇందారంలో ఉపాధి కూలీలను కలిసి మాట్లాడారు. పెద్దపల్లి కాంగ్రెస్ ఎంపీ అభ్యర్థి వంశీకృష్ణను గెలిపించాలని కోరారు.
బీఆర్ఎస్కు గట్టి షాక్
చెన్నూరు నియోజకవర్గంలో బీఆర్ఎస్కు గట్టి షాక్ తగిలింది. ఆ పార్టీకి చెందిన క్యాతనపల్లి మున్సిపాలిటీ కీలక నేత గాండ్ల సమ్మయ్య గురువారం మంచిర్యాలలో తన అనుచరులతో కలిసి ఎమ్మెల్యే వివేక్ సమక్షంలో కాంగ్రెస్లో చేరారు. పార్టీలో చేరిన వారిలో బత్తుల శ్రీనివాస్, రాజ్కుమార్, నమిలికొండ వెంకటేశ్, గొట్టె కుమార్, రామిడి రాజన్న, బత్తుల కుమార్, రాము, మారపెల్లి నరేశ్ తదితరులు ఉన్నారు. మరోవైపు మందమర్రి మండలం చిర్రకుంట గ్రామానికి చెందిన బీఆర్ఎస్ లీడర్, వార్డు సభ్యులు దుర్గం రమణకుమారి, యూత్ లీడర్లు దుర్గం మనోహర్, రాంటెంకి అశోక్, పొట్టాల శ్రీనివాస్, బీజేపీ లీడర్ దుర్గం తిరుపతి తదితరులు ఎమ్మెల్యే వివేక్ వెంకటస్వామి సమక్షంలో కాంగ్రెస్లో చేరారు.
