వికారాబాద్, వెలుగు: వికారాబాద్ పీఎస్ పరిధిలోని రిసార్ట్ లలో న్యూ ఇయర్ వేడుకలు నిర్వహించేందుకు ముందస్తుగా పర్మిషన్ తీసుకోవాలని సీఐ టంగుటూరి శ్రీను తెలిపారు. గురువారం ఆయన మీడియాతో మాట్లాడుతూ.. పర్మిషన్ లేకుండా ఈవెంట్లు నిర్వహించే రిస్టార్ ల మేనేజ్ మెంట్లపై చర్యలు తీసుకుంటామని హెచ్చరించారు. న్యూ ఇయర్ వేడుకల్లో డ్రగ్స్, ఇల్లీగల్ యాక్టివిటీస్ ఉండొద్దన్నారు. అర్ధరాత్రి ఒంటి గంటకు వేడుకలను ముగించాలన్నారు.
ప్రతి ఈవెంట్ లో సీసీ కెమెరా, సెక్యూరిటీని తప్పనిసరిగా ఏర్పాటు చేయాలన్నారు. ఈవెంట్లలో లిక్కర్ కు అనుమతి లేదన్నారు. కెపాసిటీకి మించి పాస్లు ఇవ్వొద్దని సూచించారు. డ్రంకెన్ డ్రైవ్ లో దొరికితే రూ.10 వేల ఫైన్ తో పాటు ఆరు నెలల జైలు శిక్ష పడుతుందన్నారు.
