ఆదిలాబాద్ జిల్లా తలమడుగు మండలంలోని సుంకిడి గవర్నమెంట్ హైస్కూల్లో 200 మంది స్టూడెంట్లు చదువుతున్నారు. 40 ఏండ్ల కింద కట్టిన స్కూల్ బిల్డింగ్ పూర్తిగా శిథిలావస్థకు చేరడంతో క్లాస్రూంల పైకప్పు నుంచి పెచ్చులు ఊడి పడుతున్నాయి. ఎప్పుడు ఏ ప్రమాదం జరుగుతుందోననే ఆందోళనతో టీచర్లు పలుమార్లు ఆఫీసర్లకు మొరపెట్టుకున్నారు. లోకల్గా ఉండే ప్రజాప్రతినిధులకు చెప్పినా ప్రయోజనం లేకపోవడంతో ఆరు, ఏడో తరగతి చదివే స్టూడెంట్స్ను టీచర్లు రైతువేదికకు తరలించి పాఠాలు చెబుతున్నారు. ఇప్పటికైనా సర్కారు స్పందించి తమ స్కూల్కు కొత్త బిల్డింగ్ కట్టించి ఇవ్వాలని స్టూడెంట్స్, టీచర్స్తో పాటు గ్రామస్తులు కోరుతున్నారు.
- వెలుగు ఫొటోగ్రాఫర్, ఆదిలాబాద్
