‘పెదకాపు’ ఫేమ్ విరాట్ కర్ణ హీరోగా అభిషేక్ నామా దర్శకత్వంలో తెరకెక్కుతున్న చిత్రం ‘నాగబంధం’. అభిషేక్ పిక్చర్స్, ఎన్ఐకే స్టూడియోస్ బ్యానర్లపై కిషోర్ అన్నపురెడ్డి, నిషిత నాగిరెడ్డి నిర్మిస్తున్నారు. ప్రస్తుతం నానక్రామగూడలోని రామానాయుడు స్టూడియోస్లో క్లైమాక్స్ సన్నివేశాలను చిత్రీకరిస్తున్నారు. కేవలం ఈ క్లైమాక్స్ సీక్వెన్స్ కోసమే రూ.20 కోట్ల వరకూ ఖర్చు చేస్తున్నామని, పాన్ ఇండియా స్థాయిలో ఇప్పటివరకు నిర్మించిన అత్యంత ఖరీదైన క్లైమాక్స్ సీక్వెన్స్లలో ఇది ఒకటిగా నిలుస్తుందని మేకర్స్ ఈ సందర్భంగా తెలియజేశారు.
ఓ మహాద్వారం చుట్టూ రూపుదిద్దుకున్న ఈ క్లైమాక్స్ సెట్ను ప్రొడక్షన్ డిజైనర్ అశోక్ కుమార్ డిజైన్ చేశారు. థాయ్ స్టంట్ మాస్టర్ కేచా ఖాంఫాక్డీని ప్రేక్షకులను సర్ప్రైజ్ చేసేలా ఈ యాక్షన్ సీన్స్ కంపోజ్ చేస్తున్నారు. దేశంలోని ప్రాచీన విష్ణు ఆలయాల నేపథ్యంలో మైథలాజికల్ యాక్షన్ ఎంటర్టైనర్గా రూపొందుతున్న ఈ చిత్రంలో నభా నటేష్ , ఐశ్వర్య మీనన్ హీరోయిన్స్గా నటిస్తున్నారు. జగపతి బాబు, జయప్రకాష్, మురళీ శర్మ,బి.ఎస్. అవినాష్ కీలక పాత్రలు పోషిస్తున్నారు.
