హైదరాబాద్: తెలంగాణ రాష్ట్ర విపత్తు నిర్వహణ దళం(SDRF) ని ప్రారంభించారు సీఎం రేవంత్ రెడ్డి. ప్రజాపాలన విజయోత్సవాల్లో భాగంగా SDRF దళాన్ని శుక్రవారం లాంచ్ చేశారు.
భారీ అగ్ని ప్రమాదాలు, వరదలు, భూకంపం వంటి విపత్తులు సంభవించినప్పుడు ఎమర్జెన్సీ సహాయ చర్యలు చేపట్టడానికి ఈ దళం పనిచేస్తుంది. తెలంగాణ అగ్నిమాపక శాఖ ఆధ్వర్యంలో దాదాపు 2వేల మంది సిబ్బందితో SDRF ఏర్పాటు కానుంది. అగ్నిమాపకశాఖలోని ఫైర్స్టేషన్లు ఇక నుంచి ఎస్డీఆర్ఎఫ్ స్టేషన్లుగా మార్పు చెందనున్నాయి.
రాష్ట్రవ్యాప్తంగా 137 ఫైర్ స్టేషన్లు ఉన్నాయి. దాదాపు వెయ్యి మంది సిబ్బంది పనిచేస్తున్నారు.వీరితో పాటు తెలంగాణ స్పెషల్ పోలీసు విభాగంనుంచి వెయ్యి మంది ఈ దళంలో విధులు నిర్వహిస్తారు. ఈ టీంకోసంకొత్తగా 20 బస్సులు, ట్రక్కులు, బొలేరోలతో పాటు 40 వాటర్బోట్లు కొనుగోలు చేశారు. శుక్రవారం వీటన్నిటిని సీఎం ఆవిష్కరించారు.
