కాశీబుగ్గ, వెలుగు : వరంగల్ ఎనుమాముల వ్యవసాయ మార్కెట్లోని స్ర్టాంగ్ రూమ్ల వద్ద భద్రతా ఏర్పాట్లను బుధవారం హనుమకొండ జిల్లా కలెక్టర్ సిక్తా పట్నాయక్ పరిశీలించి, రికార్డులను తనిఖీ చేశారు. ఈ సందర్భంగా కలెక్టర్ మాట్లాడుతూ వరంగల్ పశ్చిమ, పరకాల నియోజకవర్గాలకు స్ర్టాంగ్ రూమ్ల వద్ద లాగ్ బుక్, సీసీ కెమెరాల పర్యవేక్షణకు సంబంధించిన వాచ్రూమ్ను తనిఖీ చేశామని తెలిపారు.
స్ర్టాంగ్ రూమ్ల భద్రతా నిర్వహణ, రికార్డుల వివరాలను ఆయా నియోజకవర్గాలకు చెందిన ఏఆర్వోలు డాక్టర్ కె.నారాయణ, వెంకటేశ్తో మాట్లాడి నిత్యం నిఘా ఉండాలని వారికి సూచించారు. కార్యక్రమంలో తహసీల్దార్ విజయ్ కుమార్, జగన్మోహన్ రెడ్డి, పోలీస్ ఆఫీసర్లు ఉన్నారు.
