తెలంగాణ ప్రభుత్వం ప్రవేశపెట్టిన బడ్జెట్లో గందరగోళం ఏర్పడింది.. ఆర్థికమంత్రి బడ్జెట్ స్పీచ్ కు, ప్రభుత్వం బడ్జెట్ ఇచ్చిన నోట్ కు లెక్కల్లో తేడా కనిపిస్తోంది. మొదట బడ్జెట్ స్పీచ్ లో దళితబంధుకు రూ.17,700 కోట్లు కేటాయిస్తున్నట్లు ఉంది. కాని తర్వాత వచ్చిన బడ్జెట్ నోట్లో మాత్రం రూ.12,980 కోట్లు కేటాయించినట్లు చూపించారు. రాయదుర్గం ఎయిర్ పోర్టు మెట్రో కారిడార్ ను మూడేళ్లలో రూ.6,250 కోట్లతో పూర్తి చేస్తామన్నారు. బడ్జెట్లో మాత్రం పాత బస్తీ మెట్రోకు రూ.500 కోట్లు కేటాయిస్తున్నట్లు చూపించారు.
అలాగే సొంత జాగా ఉన్నవాళ్లకు ఇళ్ల నిర్మాణం పై అసలు బడ్జెట్ స్పీచ్ లో ప్రస్తావించనేలేదు. తర్వాత వచ్చిన బడ్జెట్ నోట్ లో ఇళ్ల నిర్మాణం కోసం రూ.7,980 కోట్లు కేటాయించినట్లు తెలిపారు. ఇక డబుల్ బెడ్ రూం విషయంలోనూ బడ్జెట్లో ఏమాత్రం మాట్లాడకుండా నోట్ లో మాత్రం 12వేల కోట్లు కేటాయించినట్లు చూపించారు.
