నల్గొండ, వెలుగు: నల్గొండ ఉమ్మడి జిల్లాకు చెందిన కాంగ్రెస్పార్టీ అసమ్మతి నేతలు తిరుగుబాటు జెండా ఎగురవేశారు. ఎంపీలు ఉత్తమ్కుమార్రెడ్డి, కోమటిరెడ్డి వెంకటరెడ్డికి వ్యతిరేకంగా ఆయా నియోజకవర్గాల్లోని అసమ్మతి నేతలు ఏకతాటిపైకొచ్చారు. పీసీసీ ప్రెసిడెంట్రేవంత్రెడ్డి నాయకత్వాన్ని వ్యతిరేకిస్తే సహించబోమని, పార్టీలో అలాంటి పరిస్థితులు ఎదురైతే మూకుమ్మడిగా రేవంత్ నాయకత్వంలోనే పనిచేస్తామని శపథం చేశా రు. మంగళవారం చౌటుప్పుల్ మండలం ఆందోళ్ మైసమ్మ టెంపుల్ వద్ద అసమ్మతి నేతలు మీటింగ్పెట్టారు. పార్టీ అధికార ప్రతినిధి అద్దంకి దయాకర్అధ్యక్షతన జరిగిన సమావేశంలో పది నియోజకవర్గాల నుంచి పార్టీ లీడర్లు హాజరయ్యారు. వచ్చే ఎన్నికల్లో టికెట్ఆశిస్తున్న వారితోపాటు, పార్టీ పదవులు ఆశించి భంగపడ్డవారంతా ఈ మీటింగ్కు వచ్చారు. ఈ సమావేశంలో ముఖ్యంగా ఉమ్మడి జిల్లాలో నేతల వైఖరి గురించి చర్చించారు. జిల్లాలో రేవంత్రెడ్డి రాకను అడ్డుకున్న ఎంపీలు మే 6న జరిగే రాహుల్ సభ సక్సెస్కాకుండా అడ్డుకోవాలని ప్రయత్నిస్తున్నారని ఆరోపించారు. పార్టీకి నష్టం కలిగించే చర్యలను ఇప్పటి నుంచే అడ్డుకోకుంటే భవిష్యత్తులో తమ రాజకీయ భవిష్యత్తుకు ముప్పు వాటిల్లే ప్రమాదం ఉందని ఆందోళన వ్యక్తం చేశారు. అవసరమైతే జిల్లా నేతలకు వ్యతిరేకంగా రేవంత్రెడ్డి నాయకత్వానికే మద్దతు తెలపాలని నిర్ణయించారు. రేవంత్రెడ్డికి నష్టం కలిగించే పని చేస్తే ఊరుకోబోమని, ఆ పరిస్థితి తలెత్తితే అందరూ పీసీసీ చీఫ్కు అండగా నిలవాలని తీర్మానించారు. వరంగల్లో జరిగే రాహుల్సభను విజయవంతం చేయడానికి భారీ జన సమీకరణ చేయాలని నిర్ణయించారు.
సీనియర్ల రాకను అడ్డుకుంటే ఊకోం
జిల్లాలో పార్టీని గాడిలో పెట్టేందుకు హైకమాండ్నియమించిన సీనియర్లను జిల్లాకు రానివ్వకుండా సీనియర్లు అడ్డుకుంటున్నారని, అలాంటి చర్యలకు పాల్పడితే ఊకోమని అసమ్మతి నేతలు హెచ్చరించారు. నల్గొండ పార్లమెంట్ఇన్చార్జిగా గీతారెడ్డిని నియమిస్తే ఆమె రాకుండా అడ్డుకున్నారని, ఈ నెల 27న జిల్లాకు రావాల్సిన రేవంత్ను కూడా రాకుండా కట్టడి చేశారని చెప్పారు. భవిష్యత్తులో ఇలాంటి చర్యలకు పాల్పడితే అసమ్మతి నేతల ఆధ్వర్యంలోనే పార్టీ కార్యక్రమాలు నిర్వహిస్తామని, సీనియర్లను జిల్లాకు ఆహ్వానిస్తామని చెప్పారు.
మా సీట్లు మాకే ఇవ్వాలి
రెడ్డి సామాజికవర్గానికి చెందిన సీట్లే కాకుండా ఎస్సీ, ఎస్టీ రిజర్వుడు నియోజకవర్గాల్లోనూ సీనియర్లు వేలు పెడుతున్నారని, రిజర్వుడు సీట్లను అమ్ముకుని పబ్బం గడపుకొనేందుకు ప్రయత్నిస్తున్నారని మండిపడ్డారు. వచ్చే ఎన్నికల్లో నల్గొండ, భువనగిరి పార్లమెంట్ నియోజకవర్గాల్లో బీసీలకు రెండు, మైనార్టీలకు ఒక సీటు ఇవ్వాలని, ఎస్సీ, ఎస్టీలో ఇప్పుడు పనిచేస్తున్న లీడర్లకే కేటాయించాలని, కొత్తవాళ్లను తీసుకురావాలని ప్రయత్నిస్తే ఊకోమని హెచ్చరించారు. మరికొందరు మాత్రం అధిష్ఠానం ఎవరికి టికెట్ ఇస్తేవాళ్ల కోసమే పనిచేయాలి తప్ప పార్టీ వ్య తిరేక చర్యలకు పాల్పడొద్దని సూచించారు. సమావేశంలో పార్టీ సీనియర్లు దుబ్బాక నర్సింహారెడ్డి, నాగిరెడ్డి, సంజీవరెడ్డి, అల్లం ప్రభాకర్ రెడ్డి, అయోధ్యరెడ్డి, కొండేటి మల్లయ్య, పున్నా కైలాష్నేత, పల్లె రవికుమార్గౌడ్, సిరాజ్ఖాన్ తదితరులు పాల్గొన్నారు.
