నల్గొండ, వెలుగు : కాంగ్రెస్ పార్టీ స్టార్ క్యాంపెయినర్, ఎంపీ కోమటిరెడ్డి వెంకట్రెడ్డి కాంగ్రెస్పార్టీలోనే ఉంటడా లేకపోతే బీజేపీలో పోతడా అని జిల్లా ప్రజలు చర్చించుకుంటున్నరని విద్యుత్ శాఖమంత్రి జి.జగదీశ్రెడ్డి కామెంట్ చేశారు. సోమవారం నల్గొండలో ఆయన మీడియాతో మాట్లాడారు. ‘ఒకసారి ప్రధాని మోడీని పొగుడ్తడు...ఇంకోసారి అమిత్షాను పొగుడ్తడు. రాష్ట్ర కాంగ్రెస్ పార్టీ అధ్యక్షుడు రేవంత్రెడ్డిని తిడుతడు. వీళ్లను చూసి ప్రజలు నవ్వుకుంటున్నరు’ అని ఎద్దేవా చేశారు.
ఎంపీ వెంకట్రెడ్డి ఏ పార్టీ గురించి ఎప్పుడు ఏరకంగా మాట్లాడతడో కూడా తెల్వదన్నారు. నల్గొండ జిల్లాలో కాంగ్రెస్కు ఫ్లోరోసిస్ సోకిందని, ఆ పార్టీ నాయకులు చేసిన పాపాలు వాళ్లకే సోకాయన్నారు. జిల్లా ప్రాజెక్టుల గురించి మాట్లాడే నైతిక హక్కు కాంగ్రెస్ లీడర్లకు లేదని, రేపు సర్కారు జీవోలు ఇస్తుందంటే ఈ రోజు ధర్నాలు చేసే సంస్కృతి వాళ్లదన్నారు. జిల్లాలో సాగు, తాగునీటి వనరులు పెరిగాయని చెప్పడానికి గుగూల్ మ్యాప్ చూసుకుంటే సరిపోతదన్నారు. వడ్ల ఉత్పత్తిలో, కొనుగోళ్లలో రాష్ట్రంలో ఉమ్మడి జిల్లా అగ్రస్థానంలో నిలిచిందన్నారు.
