హైదరాబాద్, వెలుగు : ఇన్నాళ్లూ వాళ్లు తడాఖా చూపించారని..ఇక నుంచి కేసీఆర్, కేటీఆర్ కు తమ తడాఖా ఏంటో చూపిస్తామని మునుగోడు కాంగ్రెస్ ఎమ్మెల్యే రాజగోపాల్రెడ్డి అన్నారు. ‘‘కేటీఆర్.. గుర్తుంచుకో. నేను నిన్ను వదలను. వేటాడుతా.. వెంటాడుతా’’ అంటూ హెచ్చరించారు. గురువారం ప్రమాణ స్వీకారం సందర్భంగా వీ6 వెలుగుతో ఆయన మాట్లాడారు. మునుగోడు ఉప ఎన్నిక టైంలో తనపై కేటీఆర్లేనిపోని ఆరోపణలన్ని చేశారని రాజగోపాల్రెడ్డి మండిపడ్డారు.
ప్రజలకు పూర్తిగా అబద్ధాలు చెప్పారని ఆరోపించారు. కేసీఆర్ ఇకపై ఇలాగే సైలెంట్గా ఉండాలని సూచించారు. కడియం శ్రీహరి కొంచెం జాగ్రత్తగా మాట్లాడితే బాగుంటుందన్నారు. తాము తలచుకుంటే బీఆర్ఎస్ ఎమ్మెల్యేలు తమ పార్టీలోకి వచ్చేస్తారన్నారు. తనతో కొంత మంది బీఆర్ఎస్ ఎమ్మెల్యేలు టచ్లో ఉన్నారని చెప్పారు. ప్రజలకు మంచి పాలన అందిస్తామని, ఆరు గ్యారంటీలను అమలు చేస్తామని ఆయన స్పష్టం చేశారు.
