హైదరాబాద్, వెలుగు: తమను రెగ్యులరైజ్ చేయాలనే డిమాండ్తో వైద్యారోగ్యశాఖలో పనిచేస్తున్న కాంట్రాక్టు ఏఎన్ఎంలు ‘చలో హైదరాబాద్’ కార్యక్రమాన్ని నిర్వహించనున్నారు. ఈ నిరసన కార్యక్రమం శనివారం సీఐటీయూ ఆధ్వర్యంలో చేపట్టనున్నట్లు తెలంగాణ యునైటెడ్ మెడికల్ అండ్ హెల్త్ ఎంప్లాయీస్ యూనియన్ రాష్ట్ర అధ్యక్షుడు ఎండీ. ఫసియుద్దీన్, , కార్యదర్శి కె. యాదనాయక్ తెలిపారు.
గత నెల 15 నుంచే రాష్ట్రవ్యాప్తంగా తమ సమ్మె కొనసాగుతున్నదని గుర్తుచేశారు. ప్రభుత్వంతో మూడుసార్లు చర్చలు జరిగినా, రెగ్యులరైజ్పై స్పందించడం లేదని ఆవేదన వ్యక్తం చేశారు. షోకాజ్ నోటీసుల పేరుతో కాంట్రాక్టు ఏఎన్ఎంలను బెదిరించడం దుర్మార్గమని వెల్లడించారు. శనివారం ఇందిరాపార్కు వద్ద మహాధర్నా నిర్వహిస్తున్నామని పేర్కొన్నారు.
