న్యూఢిల్లీ: సమయాన్ని వృథా చేయకుండా కరోనాతో చనిపోయినవాళ్ల కుటుంబ సభ్యులకు నష్ట పరిహారం ఇవ్వాలని అన్ని రాష్ట్రాలను, యూటీలను సుప్రీం కోర్టు ఆదేశించింది. పరిహారం చెల్లింపులో ఏమాత్రం లేట్ చేయొద్దని జస్టిస్ ఎమ్ఆర్ షా, జస్టిస్ బీవీ నాగరత్న బెంచ్ సోమవారం సూచించింది. పరిహారం కోసం వచ్చిన దరఖాస్తులను ప్రభుత్వం తిరస్కరించినట్లయితే బాధితులు ఫిర్యాదుల పరిష్కార కమిటీని ఆశ్రయించవచ్చని చెప్పింది. వచ్చిన ఫిర్యాదులను 4 వారాల్లోగా పరిష్కరించాలని ఫిర్యాదుల కమిటీని కూడా కోర్టు ఆదేశించింది. ఆంధ్రప్రదేశ్ సర్కారు కరోనా విపత్తు నిధులను ఇతర ఖాతాల్లోకి బదిలీ చేసిందంటూ దాఖలైన పిటిషన్పై తీర్పునిచ్చిన బెంచ్.. ఆ నిధుల ను రెండ్రోజుల్లో స్టేట్ డిజాస్టర్ రెస్పాన్స్ ఫోర్స్ ఖాతాల్లోకి ట్రాన్స్ఫర్ చేయాలని ఏపీ సర్కారును ఆదేశించింది.
