- ప్రత్యేకమైన మెషీన్లతో కొవిషీల్డ్ లేబుల్ ప్రింట్
- కొవాగ్జిన్ లేబుల్పై యూవీ లైట్తో కనిపించే డీఎన్ఏ గుర్తు
- స్పుత్నిక్వీ డబ్బాపైనే ఇంగ్లిష్.. యాంపుల్పై రష్యా భాష
మార్కెట్లోకి కరోనా నకిలీ వ్యాక్సిన్లు వస్తున్నాయి. కొవిషీల్డ్ పేరుతో కొందరు కేటుగాళ్లు నకిలీ టీకాలను మార్కెట్లోకి వదులుతున్నారు. కొన్ని రోజుల కిందట ప్రపంచ ఆరోగ్య సంస్థ (డబ్ల్యూహెచ్వో) దీనిపై వార్నింగ్ కూడా ఇచ్చింది. ఆఫ్రికాలో నకిలీ వ్యాక్సిన్లను అంటగడుతున్నారని, ఇండియాలోనూ నకిలీ టీకాలున్నాయని హెచ్చరించింది. ఈ నేపథ్యంలోనే ఆ నకిలీ టీకాలపై రాష్ట్రాలను కేంద్ర ప్రభుత్వం అలర్ట్ చేసింది. వాటిని గుర్తించేందుకు వీలుగా ఆదివారం పలు సూచనలను చేసింది. సీరమ్ ఇనిస్టిట్యూట్ ఆఫ్ ఇండియా తయారు చేస్తున్న కొవిషీల్డ్, భారత్ బయోటెక్ అభివృద్ధి చేసిన కొవాగ్జిన్, డాక్టర్ రెడ్డీస్ తయారు చేస్తున్న స్పుత్నిక్ వీలను గుర్తించే టెక్నిక్లను వివరించింది.
ఫేక్ వ్యాక్సిన్లతో పైలం
రష్యా నుంచి దిగుమతి అయ్యే స్పుత్నిక్ వీ వ్యాక్సిన్లను దేశంలో రెండు చోట్ల తయారు చేస్తున్నారు. కాబట్టి వాటికి రెండు వేర్వేరు లోగోలుంటాయి. వ్యాక్సిన్ సమాచారం, డిజైన్ అంతా సేమ్ అయినా తయారుచేసే కంపెనీ పేరే వేరుగా ఉంటుంది.
కేవలం వ్యాక్సిన్ యాంపుల్స్ను ప్యాక్ చేసే డబ్బా ముందు, వెనుక భాగాల్లోనే ఇంగ్లిష్లో సమాచారం ఉంటుంది. యాంపుల్పై వ్యాక్సిన్ బ్రాండ్ పేరుతో పాటు డబ్బా మిగతా వైపులా అంతా రష్యా భాషలోనే సమాచారం ఉంటుంది.
సీరమ్ సంస్థ లోగో ‘ఎస్ఐఐ’..
టీకా బుడ్డిపై ఉండే లేబుల్ రంగు ముదురు ఆకుపచ్చగా ఉంటుంది. బుడ్డి అల్యూమినియం సీల్కు పైన ఉండే మూత కూడా ముదురు ఆకుపచ్చ రంగులోనే ఉంటుంది.
ట్రేడ్మార్క్తో వ్యాక్సిన్ బ్రాండ్ పేరు ఉంటుంది.
వ్యాక్సిన్లో ఉండే కాంపోజిషన్ పేరును బోల్డ్ చేయరు.
కాంపోజిషన్ పేరు తర్వాత బ్రాకెట్లో ‘రీకాంబినెంట్’ ఉంటుంది.
లేబుల్పై సీజీఎస్ నాట్ ఫర్ సేల్ అనే ముద్ర ఉంటుంది.
లేబుల్ అతికించేవైపు కూడా యూనిక్గా ఎస్ఐఐ లోగోను ప్రింట్ చేశారు. ప్రత్యేకమైన కోణం, పొజిషన్తో ఆ లోగో ఉంటుంది.
అక్షరాలు స్పష్టంగా కనిపించేలా ఫాంట్ ఉంటుంది. ఆకుపచ్చ రంగు లేబుల్పై తెలుపు రంగు అక్షరాలను ప్రింట్ చేశారు.
లేబుల్కు ప్రత్యేకమైన హనీకూంబ్ ఎఫెక్ట్ను ఇచ్చారు. అది ప్రత్యేకమైన యాంగిల్లో మాత్రమే కనిపిస్తుంది.
లేబుల్పై కొన్నిచోట్ల హనీకూంబ్ ఎఫెక్ట్స్లో కొద్దిగా మార్పులుంటాయి.
ఒరిజినల్ కొవాగ్జిన్ గుర్తించేది ఇట్ల..
కొవాగ్జిన్ టీకా లేబుల్లో కంటికి కనిపించని డీఎన్ఏ హీలిక్స్ నిర్మాణం ఉంటుంది. అది కేవలం యూవీ లైట్తోనే కనిపిస్తుంది.
లేబుల్లో కంటికి కనిపించకుండా కొన్ని చుక్కలుంటాయి. ఆ చుక్కలను కొవాగ్జిన్ అని వచ్చేలా పెట్టారు.
బ్రాండ్ పేరులో ‘ఎక్స్’లో సగాన్ని ఆకుపచ్చ రంగు ఎఫెక్ట్స్ ఇచ్చారు.
బ్రాండ్ పేరుకు ప్రత్యేకమైన హోలోగ్రాఫిక్ ఎఫెక్ట్స్ ఉంటాయి.
