గాల్లో పక్షిలా ఎగరాలని చాలా మందికి అనిపిస్తుంది. అయితే కొందరికి మాత్రమే అలాంటి ధైర్య సాహసాలు చేయగలరు. పారాచ్యూట్ జంప్, స్కై డైవ్, పారా సెయిలింగ్ వంటి సాహస క్రీడలతో ఎవరైనా గాల్లో ఎగరొచ్చు. అయితే తాజాగా పారా సెయిలింగ్ చేసిన ఓ జంటకు భారీ షాక్ తగిలింది. తాము పారాసెయిలింగ్ చేస్తున్న సమయంలో తాడు ఒక్కసారిగా తెగిపోయింది. దీంతో ఆ జంట సముద్రంలో పడిపోయింది. ఈ ఘటన దిహు బీచ్‌లో చోటు చేసుకుంది.
గుజరాత్‌కు చెందిన అజిత్ కథడ్ తన భార్యతో కలిసి దిహులో హాలిడీ ఎంజాయ్ చేయడం కోసం వెళ్లాడు. అక్కడ ఓ పవర్ బోట్ ఎక్కి సముద్రంలోకి వెళ్లారు. అక్కడ పారా సెయిలింగ్ చేశారు. అయితే జంట కాస్త ఎత్తు వెళ్లాక తాడు ఒక్కసారిగా తెగిపోయింది. దీంతో వాళ్లిద్దరు కూడా ఎత్తు నుంచి సముద్రంలో పడిపోయారు.
@VisitDiu @DiuTourismUT @DiuDistrict @VisitDNHandDD
— Rahul Dharecha (@RahulDharecha) November 14, 2021
Parasailing Accident,
Safety measures in India,
and they said very rudely that this is not our responsibility. Such things happens. Their response was absolutely pathetic.#safety #diu #fun #diutourism #accident pic.twitter.com/doN4vRNdO8
ఇదంతా బోట్‌లో ఉన్న అజిత్ సోదరుడు రికార్డ్ చేస్తున్నాడు. దీంతో అతడు వెంటనే తాడు తెగిపోవడాన్ని గమనించి బోటు సిబ్బందికి సమాచారం అందించారు. వారు సముద్రంలోకి దూకి ఆ జంటను కాపాడారు. అజిత్ కథడ్ అతని భార్య పారా సెయిలింగ్ చేస్తున్న సమయంలో లైఫ్ జాకెట్లు ధరించడం వల్ల వారు ప్రాణాలతో బతికి బట్ట కట్టారు. ఈ ఘటనలో వారిద్దరికీ ఎలాంటి గాయాలు కాలేదు.
