ఏపీలో కొత్త కరోనా వేరియంట్.. 15 రెట్లు వేగం

V6 Velugu Posted on May 04, 2021

విశాఖపట్నం: సెంటర్ ఫర్ సెల్యూలర్ అండ్ మాలిక్యులర్ బయోలజీ (సీసీఎంబీ) సైంటిస్టులు కొత్త రకం కరోనా వేరియంట్‌‌ను కనుగొన్నారు. విశాఖపట్నంతోపాటు ఆంధ్రప్రదేశ్‌లోని పలు ప్రాంతాల్లో వేగంగా వ్యాప్తి చెందుతున్న ఈ వేరియంట్‌ను N440Kగా గుర్తించారు. దీన్ని ఏపీ స్ట్రెయిన్‌గా పిలుస్తున్నారు. ఈ రకం కరోనా వేరియంట్‌కు సంబంధించిన తొలి కేసును కర్నూలులో గుర్తించారు. ఇది దేశంలోని మిగిలిన వేరియంట్స్‌‌తో పోలిస్తే 15 రెట్లు వేగంగా వ్యాప్తి చెందుతుందట. అలాగే భారత వేరియంట్లయిన B1.617, B1.618 కంటే ఇది చాలా పవర్‌‌ఫుల్ అని తెలుస్తోంది. ఈ విషయంపై వైజాగ్ డిస్ట్రిక్ట్ కలెక్టర్ వి.వినయ్ చంద్ స్పందించారు. 

వైజాగ్‌లో వ్యాప్తి అవుతున్న వైరస్ మిగిలిన వాటి కంటే భిన్నంగా ఉందని వినయ్ చంద్ తెలిపారు. ఈ వైరస్ ఏ రకం అనే దాన్ని తాము ఇంకా నిర్ధారించలేదన్నారు. వైరస్ శాంపిల్స్‌‌ను సీసీఎంబీకి పంపామన్నారు. ఈ వేరియంట్ గురించి ఆంధ్రా మెడికల్ కాలేజీ ప్రిన్సిపాల్, కొవిడ్ స్పెషల్ ఆఫీసర్ పీవీ సుధాకర్ కూడా స్పందించారు. ఈ రకం వైరస్ బారిన పడి వారి ఆరోగ్య పరిస్థితి 3 నుంచి 4 రోజుల్లో విషమంగా మారుతోందన్నారు. అందుకే సిటీలోని ఆస్పత్రుల్లో ఉన్న బెడ్స్, మెడికల్ ఆక్సిజన్, ఐసీయూలు సరిపోవడం లేదన్నారు. 

Tagged Andhra Pradesh, ccmb, visakhapatnam, Amid Corona Scare, New Corona Variant, N440K Variant, V.Vinay Chand

Latest Videos

Subscribe Now

More News