కరోనా సెకండ్ వేవ్ లో వేలాది మంది చనిపోయారు. ప్రస్తుతం వైరస్ ఉద్ధృతి తగ్గినా థర్డ్ వేవ్ ముప్పు పొంచి ఉందని నిపుణులు హెచ్చరిస్తున్నారు. ఈ క్రమంలో ICMR కీలక ప్రకటన చేసింది. భారత్లో కరోనా థర్డ్ వేవ్ రావడానికి అవకాశాలు తక్కువగానే ఉన్నట్లు తెలిపింది. ఒకవేళ వచ్చినా సెకండ్ వేవ్ అంత తీవ్రంగా ఉండదని చెప్పింది. ఈ ముప్పును ఎదుర్కోవడంలో వేగంగా కొనసాగుతున్న వ్యాక్సినేషన్ కీలక పాత్ర పోషిస్తుందని ICMR తెలిపింది.
ఐసీఎంఆర్ డైరెక్టర్ జనరల్ బలరాం భార్గవ ఇతర వైద్య నిపుణులతో కలిసి అధ్యయనం చేశారు. థర్డ్ వేవ్ వచ్చే అవకాశాలు తక్కువేననే విషయం ఈ అధ్యయనంలో తేలింది. రోగనిరోధక శక్తి క్షీణించటం, రోగనిరోధక శక్తిని తప్పించుకొనేలా వైరస్లో మార్పులు రావటం వంటి కారణాలు మూడో ఉద్ధృతికి దారితీసే అవకాశాలు తక్కువేనని అభిప్రాయం వ్యక్తం చేశారు.
