హైదరాబాద్, వెలుగు: రాబోయే ఎన్నికల్లో బీఆర్ఎస్తో కలిసి ఎన్నికల్లో పోటీచేయాలనే భావనతోనే లెఫ్ట్ పార్టీలు ఉన్నాయి. పొత్తులపై బీఆర్ఎస్ పిలుపుకోసం ఇంకొన్ని రోజులు వేచిచూడాలని సీపీఎం, సీపీఐ పార్టీలు నిర్ణయించాయి. సోమవారం హైదరాబాద్లోని మగ్దుంభవన్లో సీపీఎం రాష్ట్ర కార్యదర్శి తమ్మినేని వీరభద్రం, సీపీఐ రాష్ట్ర కార్యదర్శి కూనంనేని సాంబశివరావు నేతృత్వంలోని ఆయా పార్టీల ప్రతినిధులు సమావేశమయ్యారు. ఈ సందర్భంగా ఎన్నికల్లో పొత్తులు, కేంద్రంలోని బీజేపీ తెస్తున్న విధానాలపై చర్చించారు. త్వరలోనే బీఆర్ఎస్ అభ్యర్థులను ప్రకటిస్తారనే ప్రచారం జరుగుతున్నందున ఇంకొంత కాలం వేచిచూడాలని నిర్ణయించారు. బీఆర్ఎస్ ప్రకటించే స్థానాల్లో సీపీఎం, సీపీఐ పార్టీలు ఆశించిన సెగ్మెంట్లు ఉంటే.. అప్పుడు బీఆర్ఎస్తో పొత్తుపై నిర్ణ యం తీసుకోవాలని డిసైడ్ అయ్యారు. మరోపక్క సీపీఎం, సీపీఐ పోటీ చేయాలనుకున్న స్థానాల్లో పొత్తులతో సంబంధం లేకుండానే తమ పనినికి కొనసాగించాలని సమావేశంలో నిర్ణయించారు.
ALSO READ:టీచర్ల సమస్యలపై ఉద్యమిస్తమన్న జాక్టో స్టీరింగ్ కమిటీ
