బంజారాహిల్స్, వెలుగు: ప్రముఖ బట్టల దుకాణంలో చీరలు కొనేందుకు వచ్చిన మహిళతో నిర్వాహకులు అసభ్యకరంగా ప్రవర్తించారు. ఇందుకు సంబంధించి బంజారాహిల్స్ పీఎస్లో కేసు నమోదైంది. పోలీసుల వివరాల ప్రకారం.. ద్వారకాపురి కాలనీకి చెందిన ఓ మహిళ బంజారాహిల్స్ రోడ్ నంబర్ 10 లోని ఫ్రాంటియర్ రాస్ బట్టల దుకాణానికి చీరలు కొనేందుకు వెళ్లింది. అందులో చీర కట్టేందుకు వచ్చిన స్వామి అనే వ్యక్తి పలుమార్లు ఆమెను అసభ్యకరంగా తాకాడు.
ఈ విషయాన్ని సదరు మహిళ షోరూమ్ నిర్వాహకుల దృష్టికి తీసుకెళ్లగా, వారు సహకరించకపోగా డబ్బులు ఇచ్చేందుకు ప్రయత్నించారు. దీంతో బాధితురాలి ఇచ్చిన ఫిర్యాదుతో పోలీసులు కేసు నమోదు చేసి దర్యాప్తు చేస్తున్నారు.
