పెనుబల్లి, వెలుగు : ఫోన్పే యాప్కు లింక్ పంపి సైబర్ నేరగాళ్లు డబ్బులు కాజేశారు. పెనుబల్లి మండలం వియం బంజర్ గ్రామానికి చెందిన కొణిజేటి తిరుపతిస్వామి అనే వ్యాపారి మొబైల్ కు సైబర్ నేరగాళ్లు మంగళవారం ఉదయం లింక్ పంపారు. దాని గురించి అవగాహన లేని వ్యాపారి లింక్ ఓపెన్ చేయగా వెంటనే ఫోన్పే హ్యాక్ చేసి రూ.90వేల చొప్పున రెండు సార్లు రూ.1.80లక్షలు కాజేశారు.
దీనిని గుర్తించిన అతడి కుమారుడు వెంటనే వియం బంజర్ పోలీసులకు, బ్యాంక్కు సమాచారం అందించారు. దీంతో రూ. 90 వేల నగదును ఫ్రీజ్ చేశారు. ఈ మేరకు కేసు నమోదు చేసుకొని దర్యాప్తు చేస్తున్నామని ఎస్సై వెంకటేశ్ తెలిపారు.
