కూల్ డ్రింక్⁬లో బల్లి.. ఔట్⁬లెట్ సీజ్..

సరదాగా మెక్ డొనాల్డ్స్⁬కు వెళ్లిన నలుగురు స్నేహితులకు చేదు అనుభవం ఎదురైంది. ఆర్డర్ చేసిన కూల్ డ్రింక్⁬లో చచ్చిన బల్లి దర్శనమిచ్చింది. విషయాన్ని ఔట్⁬లెట్ నిర్వాహకుల దృష్టికి తీసుకెళ్లినా పట్టించుకోకపోవడంతో బాధితులు వీడియోను ట్విట్టర్⁬లో పోస్ట్ చేశారు. దీంతో స్పందించిన మున్సిపల్ అధికారులు సదరు ఔట్ లెట్⁬ను సీజ్ చేశారు.

అహ్మదాబాద్ కు చెందిన భార్గవ్ జోషి శనివారం నలుగురు ఫ్రెండ్స్⁬తో కలిసి మెక్ డొనాల్డ్స్⁬కు వెళ్లారు. సాఫ్ట్ డ్రింక్⁬తో పాటు మరికొన్ని ఫుడ్ ఐటెమ్స్ ఆర్డర్ చేశారు. సరదాగా మాట్లాడుకుంటూ కూల్ డ్రింక్ సిప్ చేస్తున్న ఫ్రెండ్స్ కు ఒక్కసారిగా షాక్ తగిలింది. భార్గవ్ స్నేహితుడి సాఫ్ట్ డ్రింక్ గ్లాసులో చచ్చిన బల్లి దర్శనమిచ్చింది. విషయనాన్ని మెక్ డొనాల్డ్స్ స్టాఫ్ దృష్టికి తీసుకెళ్లగా వారు పట్టించుకోలేదు. దాదాపు 4 గంటల పాటు వేచిచూసినా ఎవరూ స్పందించకపోవడంతో భార్గవ్ వీడియో తీసి ట్విట్టర్⁬లో పోస్ట్ చేశారు.

Here is video of this incidents happens with me...@McDonalds pic.twitter.com/UiUsaqjVn0
— Bhargav joshi (@Bhargav21001250) May 21, 2022

భార్గవ్ పోస్ట్ చేసిన వీడియో నెట్టింట వైరల్⁬గా మారింది. మెక్ డొనాల్డ్స్ తీరుపై నెటిజన్లు ఎండగట్టారు. విషయం అహ్మదాబాద్ మున్సిపల్ కార్పొరేషన్ దృష్టికి వెళ్లడంతో అధికారుల రంగంలోకి దిగారు. మెక్ డొనాల్డ్స్ ఔట్ లెట్⁬ను సీజ్ చేశారు. గ్రేట్ వర్క్ డన్ బై ఏఎంసీ అనే క్యాప్షన్ తో ఔట్ లెట్⁬ను సీజ్ చేసిన ఫొటోను భార్గవ్ జోషి ట్విట్టర్⁬లో ట్వీట్ చేశాడు.