దీపావళి పండుగ అంటే ... దీపాల పండుగ.. ఆశ్వయుజమాసం కృష్ణపక్షం త్రయోదశి ( అక్టోబర్ 18)న ప్రారంభమై... కార్తీక మాసం శుక్లపక్షం విదియ( అక్టోబర్ 22) వ తేదీతో ముగుస్తుంది. ఐదు రోజులు జరుపుకునే ఈపండుగలో మూడో రోజున అత్యంత విశిష్టమైనది. ఆరోజున క్రాకర్స్ పేల్చి.. లక్ష్మీ పూజను చేస్తారు. ఈ ఏడాది దీపావళి రోజున అక్టోబర్ 20వ తేదీన లక్ష్మీపూజ చేసేందుకు శుభముహూర్తం గురించి తెలుసుకుందాం. .
దీపావళి పండుగలో అంతర్భాగమైన లక్ష్మీ పూజకు విశేషమైన ప్రాముఖ్యత ఉంది. సాధారణంగా ఐదు రోజుల పాటు జరుపుకునే ఈ పండుగలో దీపావళి మూడవ రోజున వస్తుంది. ఈ రోజున చేసే లక్ష్మీ పూజ ఈ పండుగలో కీలక పాత్ర పోషిస్తుంది. ఈ పవిత్ర సమయంలో లక్ష్మీ దేవి ఆశీర్వాదాన్ని తీసుకోవడం వల్ల వారి జీవితాల్లో సంపద, విజయం, శ్రేయస్సు లభిస్తాయని చాలా మంది నమ్ముతారు.
దీపావళి పండుగను ఆశ్వయుజమాసం అమావాస్య రోజు జరుపుకుంటారు. ఈఏడాది ( 2025) అమావాస్య తిథి రెండు రోజులు వచ్చింది. అక్టోబర్ 20, 21 తేదీల్లో అమావాస్య తిథి ఉంది . పండితులు చెబుతున్న దాని ప్రకారం..
- అమావాస్య తిథి ప్రారంభం : అక్టోబర్ 20 మధ్యాహ్నం 3.44 గంటలకు
- అమావాస్య తిథి ముగింపు .. అక్టోబర్ 21 సాయంత్రం 5.54 గంటలకు
ప్రదోష కాలంలో ( సాయంకాలం) అమావాస్య తిథి ఉన్న రోజు దీపావళి పండుగ ను జరుపుకుంటారు. అంటే ఈ ఏడాది అక్టోబర్ 20 వ తేదీన దీపాల పండుగ జరుపుకోవాలని పండితులు చెబుతున్నారు. అదేరోజు వృషభకాలంలో శుభముహూర్తంలో లక్ష్మీపూజను చేయాలి.
దీపావళి రోజు వృషభ కాలము ప్రారంభం : అక్టోబర్ 20 రాత్రి 7.08 గంటల
దీపావళి రోజు వృషభ కాలము ముగింపు : అక్టోబర్ 20 రాత్రి 9.03 గంటలు
లక్ష్మీపూజకు శుభ ముహూర్తం : అక్టోబర్ 20 రాత్రి 7. 21 గంటల నుంచి రాత్రి 8.19 గంటల వరకు
లక్ష్మీ పూజ విధానం
- లక్ష్మీ పూజ వేడుకలో పూజ స్థలాన్ని శుద్ధి చేయడం, అవసరమైన సమర్పణలను సేకరించడం వంటి ఖచ్చితమైన తయారీ ఉంటుంది.
- అడ్డంకులను తొలగించడానికి గణేశుడిని ఆరాధించి, ఆపై లక్ష్మీ దేవిని ఇంటికి ఆహ్వానించడంతో పూజ ప్రారంభమవుతుంది.
- నీరు, పువ్వులు, ధూపం, పండ్లు, స్వీట్లు వంటి వివిధ నైవేద్యాలను దేవతకు సమర్పిస్తారు. ఇది స్వచ్ఛత, భక్తి,సమృద్ధిని సూచిస్తుంది.
- దీపాల వెలుగులు చీకటిని పారద్రోలి, శ్రేయస్సు రావడానికి ప్రతీక.
- ఆ తర్వాత మంత్రాలను పఠించడం, ఆరతులు పాడడం పూజలో అంతర్భాగం. అనంతరం శుభాకాంక్షలు తెలియజేస్తూ వ్యక్తిగత ప్రార్థనలు ఉంటాయి.
- ఈ ఆచారం ప్రసాదం పంపిణీతో ముగుస్తుంది. ఆ తర్వాత సంతోషకరమైన విందులు, వేడుకలు, ఐక్యతతో పండుగ కొనసాగుతుంది.
లక్ష్మీ పూజ: ప్రాముఖ్యత
సంపద, శ్రేయస్సు, అదృష్టానికి హిందూ దేవతగా, లక్ష్మీ దేవి లక్షలాది మంది భక్తుల హృదయాలలో ప్రధాన స్థానాన్ని కలిగి ఉంది. ఈ పూజ మంచి ఆరోగ్యం, సంపద, వితంలో విజయం కోసం ఒక మార్గం. లక్ష్మి సంపదకు దేవత మాత్రమే కాదు, ఆధ్యాత్మిక శ్రేయస్సుకు చిహ్నం. ఆమెను ఆరాధించడం వల్ల బలం, ప్రశాంతత లభిస్తుందని, వారి జీవిత లక్ష్యాలను సాధించడంలో సహాయపడుతుందని చాలా మంది నమ్ముతారు.
Disclaimer: పైన అందించిన సమాచారం కేవలం అవగాహన కోసం మాత్రమే. ఈ కథనంలోని సమాచారం పండితుల సలహాలతో పాటు ఇంటర్నెట్ లో అందుబాటులో ఉన్న సమాచారం వినియోగించి రూపొందించబడింది. ఈ సమాచారాన్ని V6 వెలుగు యాజమాన్యం లేదా ఉద్యోగులు ధృవీకరించేదు. మీకున్న సమస్యలకు నిపుణులను సంప్రదించటం ఉత్తమం.
