- మాజీ ఎమ్మెల్యే పేరు పెట్టడంపై అభ్యంతరం
జనగామ: జనగామ జిల్లా కేంద్రంలోని బతుకమ్మ కుంటలో ఏర్పాటు చేస్తున్న ఆర్చ్పై ఉన్న మాజీ ఎమ్మెల్యే ముత్తిరెడ్డి యాదగిరి రెడ్డి పేరును మున్సిపల్ అధికారులు తొలగించారు. ప్రజల భాగస్వామ్యంతో నిర్మించిన ఆర్చ్కు ముత్తిరెడ్డి పేరు పెట్టడంపై సొంత పార్టీ బీఆర్ఎస్ నేతలు, స్థానికులు తీవ్ర అభ్యంతరం వ్యక్తం చేశారు. దీంతో ముత్తిరెడ్డి పేరుతో ఉన్న ఆర్చ్ను తొలగించాలని మున్సిపల్ ఉన్నతాధికారులు ఆదేశించడంతో ఇవాళ సిబ్బంది పేరును తీసేశారు. పూర్తి వివరాలు తెలియాల్సి ఉంది. గతంలో బతుకమ్మ కుంటను ఆక్రమించడానికి ప్రయత్నిస్తున్నాడని ముత్తిరెడ్డిపై జిల్లా ఉన్నతాధికారి ఆరోపణలు చేసిన సంగతి తెలిసిందే.
