న్యూఢిల్లీ: ఎయిర్పొల్యూషన్. ఈ మాట చెప్పగానే ఇప్పుడు వెంటనే గుర్తొచ్చే సిటీ ఢిల్లీ. తీవ్రమైన వాయు కాలుష్యంతో ప్రస్తుతం ఢిల్లీ ప్రజలు చాలా ఇబ్బందులు పడుతున్నారు. ఇదే అంశం వచ్చే ఏడాది జరిగే అసెంబ్లీ ఎన్నికల్లోనూ ప్రభావం చూపిస్తుందని ఓ తాజా సర్వే చెబుతోంది. వచ్చే అసెంబ్లీ ఎన్నికల్లో తమ ఓటును ప్రస్తుత పొల్యూషన్ప్రాబ్లం ప్రభావితం చేస్తుందని ప్రతి పది మంది ఢిల్లీ రెసిడెంట్లలోనూ ఎనిమిది మంది అభిప్రాయపడినట్టు వెల్లడించింది. జెన్ఎక్స్(1960 నుంచి 1980 మధ్య పుట్టినవారు) రెస్పాండెంట్లతో పోలిస్తే మిలీనియల్స్(1981 నుంచి 1996 మధ్య పుట్టినవారు), జెన్జెడ్(1996 తర్వాత పుట్టినవారు) రెస్పాండెంట్లు ఎక్కువగా ఈ అభిప్రాయం వ్యక్తం చేసినట్టు తెలిపింది. ఢిల్లీ అసెంబ్లీ ఎన్నికలపై పొల్యూషన్ ప్రభావానికి సంబంధించి ఇంటర్నెట్ బేస్డ్ మార్కెట్ రిసెర్చ్, డేటా ఎనలిస్ట్సంస్థ యూగౌ ఈ సర్వే చేసింది. నవంబర్లో 750 మంది ఢిల్లీ రెసిడెంట్ల రెస్పాన్స్ బట్టి ఈ సర్వే చేసింది.
కేంద్రం, రాష్ట్రానిదే బాధ్యత
ఎయిర్పొల్యూషన్ ప్రాబ్లమ్కు ఎవరు పరిష్కారం చూపాలన్న దానికి కేంద్ర ప్రభుత్వం, ఢిల్లీ సర్కార్కు ఇందులో బాధ్యత ఉందని మెజారిటీ(61 శాతం మంది) జనం చెప్పారు. ఇదే సమయంలో ప్రతి ఆరుగురిలో ఒకరు సెంట్రల్ గవర్నమెంటే దీనిని పరిష్కరించాలంటే.. అంతే మంది స్టేట్ గవర్నమెంట్దే ఆ బాధ్యత అని అభిప్రాయపడ్డారు. ఎన్విరాన్మెంట్ తర్వాత నిరుద్యోగం, ఎడ్యుకేషన్, వుమెన్ రైట్స్, సేఫ్టీపై జనం ఎక్కువ స్పందించినట్టు ఈ సర్వే తెలిపింది. ప్రతి ఒక్కరూ లేవనెత్తిన టాప్ 3 అంశాల్లో ఎడ్యుకేషన్ ఒకటిగా ఉంది. మిగతా ఏజ్ గ్రూపుల వారితో పోలిస్తే జెన్జెడ్ రెస్పాండెంట్లు ఎక్కువగా ఈ అంశానికి ప్రాధాన్యం ఇచ్చారు. యూత్తో పోలిస్తే ఓల్డర్ జెనరేషన్ వారు బేసిక్ సర్వీసులకే ఎక్కువ ఇంపార్టెన్స్ ఇచ్చారు. తమ సమస్యల్లో ఎక్కువ శాతాన్ని ఆమ్ఆద్మీ పార్టీ(ఆప్) పరిష్కరిస్తుందని యంగ్ జెనరేషన్భావిస్తే.. ఓల్డర్ జెనరేషన్ వారు బీజేపీపై నమ్మకం ఉంచినట్టు ఈ సర్వే వెల్లడించింది
పెరుగుతున్న పొల్యూషన్
ఢిల్లీ ఎయిర్ పొల్యూషన్ గత కొద్దిరోజులుగా గ్లోబల్ హెడ్లైన్స్ను తాకుతోంది. సూపర్ పవర్గా మారాలనుకుంటున్న ఇండియాకు ఇదో పెద్ద తలనొప్పిగా మారింది. దేశ రాజధానిలో ఎయిర్పొల్యూషన్ పెరిగిపోవడం అంతర్జాతీయ టూరిస్టులు, ఇన్వెస్టర్లకు తప్పుడు సంకేతాలు ఇస్తోంది. శుక్రవారం ఎయిర్ క్వాలీటీ ఇండెన్స్ 528కి చేరింది. గురువారం పీఎం 10 కౌంట్ 583కి, పీఎం 2.5 కౌంట్ 378 చేరడంపై ఎయిర్ ఎమర్జెన్సీ ప్రకటించారు.