దీపావళీ తర్వాత దేశ రాజధాని ఢిల్లీలో వాయు కాలుష్యం బాగా పెరిగిపోయింది. కాలుష్యం తీవ్రతను తగ్గించేందుకు ఢిల్లీ ప్రభుత్వం చర్యలు చేపట్టింది..ఇందులో భాగంగా మంగళవారం ( అక్టోబర్ 28) క్లౌడ్సీడింగ్ విజయవంతంగా నిర్వహించింది. క్లౌడ్ సీడింగ్ ప్రభావంతో ఢిల్లీలోని పలు ప్రాంతాల్లో సాయంత్రం కృత్రిమ వర్షాలు కురిసే ఛాన్స్ ఉందని అధికారులు ప్రకటించారు. అధికారులు చెప్పిన ప్రకారం.. సాయంత్రం 7 గంటల లోపు లేదా కొన్ని గంటల్లో వర్షం కురిసే అవకాశం ఉంది.
క్లౌడ్ సీడింగ్ ట్రయల్ విధానంలో విమానం ద్వారా మేఘాల్లోకి సిల్వర్ ఐఓడైడ్ (Silver iodide) లేదా సాల్ట్ (Sodium chloride) వంటి రసాయనాలు విడుదల చేయడం ద్వారా కృత్రిమ వర్షాలకు కురిపించే ప్రక్రియను సక్సెస్ ఫుల్ గా నిర్వహించారు. ఇదే రోజు రెండో సారి క్లౌడ్ ట్రయల్ నిర్వహించే అవకాశం ఉందని అధికారులు తెలిపారు. సెప్టెంబర్ 25న క్లౌడ్ సీడింగ్ ట్రయల్స్కు ఢిల్లీ ప్రభుత్వం IIT Kanpur-తో కలిసి ఓ ఒప్పందం కుదుర్చుకున్నారు.
కృత్రిమ వర్షం అంటే..
క్లౌడ్ సీడింగ్ అంటే అయోడైడ్ స్ఫటికాలు లేదా ఉప్పు సమ్మేళనాలు వంటి కణాలను తేమ అధికంగా ఉండే మేఘాలలోకి విడుదల చేయడం ద్వారా కృత్రిమ వర్షపాతం సృష్టించడం. విమానం ద్వారా విడగొట్టిన అయోడైడ్ స్పటికాల కణాలను వినియోగిస్తారు. ఇవి చిన్న బిందువులు పెద్దవిగా కలిసిపోవడానికి సహాయపడతాయి. ఫలితంగా వర్షం కురుస్తుందని అధికారులు చెబుతున్నారు.
దీపావళి తర్వాత ఢిల్లీ, ఎన్ సీఆర్ వాయు కాలుష్యం పెరిగిపోయింది. గ్రేడెడ్ రెస్పాన్స్ యాక్షన్ ప్లాన్ (GRAP) 2వ దశ అమలులో ఉన్నప్పటికీ AQI ఢిల్లీలోని అనేక ప్రాంతాలలో చాలా పేలవంగా నమోదు అయింది. వాయు కాలుష్యాన్ని తగ్గించే క్రమంలో ఢిల్లీ ప్రభుత్వం క్లౌడ్ సీడింగ్చేపట్టింది.
