ఆధ్యాత్మికం: మొక్కల మహిమ.... చౌకుమాను చెట్టు, బదనిక తీగ రహస్యం ఇదే..!

ప్రపంచంలో అనేక మతాలున్నాయి..  ప్రతి మతానికి .. కొన్ని ఆచారాలు.. సంప్రదాయాలు..ఉంటాయి.  కొన్ని మొక్కలు ఆధ్యాత్మికతను సంతరించుకుంటాయని పెద్దలు చెబుతున్నారు.  తులసి.. మారేడు ఇవి మనందరకు తెలిసినవే.  కాని ఇవి కాకుండా చౌకుమాను చెట్టు..బదనిక తీగను ఆధ్యాత్మికంగాను.. సంప్రదాయంగానూ .. వైద్యపరంగాను.. వినియోగించేవారని పెద్దలు చెబుతున్నారు.  ఇప్పుడు వాటి గురించి తెలుసుకుందాం. . .!

చౌకుమాను చెట్టు(Yew Tree) : చౌకుమాను చెట్టును పునర్జన్నకు.. అమరత్వానికి ప్రతీకగా పూర్వీకులు పరిగణించేవాళ్లు ఎందుకంటే ఈ చెట్టు కొమ్మల నుంచి వచ్చే వేళ్ళు. మళ్లీ నేలలో పాతుకుని కొత్త మొదళ్లుగా తయారవడమే కారణం. అంతేకాదు చౌకుమానులోని పాత బెరడు నుంచి కొత్త కాండం పుట్టుకురావడం దీని విశిష్టత. అందుకే ఇది పునర్జన్మకు ప్రతీకగా నిలిచింది. క్రైస్తవుల విశ్వాసంలో చౌకుమాను చెట్టుకు ప్రత్యేక స్థానం ఉంది. శవపేటికల్లో చౌకుమాను గుర్తు పెట్టడం వాళ్ల సంప్రదాయంగా ఉండేది. ఎన్నో చర్చిల వద్ద చౌకుమాను చెట్లు ఉండేవి కూడా. ఈ చెట్లను క్రైస్తవ శకానికి ముందు డ్రూయిడ్లు పవిత్రంగా భావించేవాళ్లని పెద్దలు చెబుతున్నారు.

బదనిక తీగ (Mistletoe): బదనిక తీగకు క్రిస్మస్ పండుగతో అనుబంధం ఉందని చాలా మంది భావిస్తుంటారు. కానీ, ప్రాచీన సెల్టిక్ డ్రూయిడ్స్ కాలంతో బదనికకు సంబంధం ఉన్నట్లు సమాచారం . సూర్యదేవుడైన టారానీస్ స్వభావానికి ఈ బదనిక ప్రతినిధిగా.. ఈ తీగ అల్లుకున్న చెట్టుని కూడా పవిత్రమైనదిగా భావించడమే ఇందుకు కారణం.

అపోహలు

డ్రూయిడ్ నాయకుడు ఒక చెట్టు మీదున్న బదరిక తీగను బంగారు కొడవలితో కత్తిరించే వాడు. తర్వాత ఈ మొక్క విశిష్టతను తెలుసుకుని కర్మకాండలకు ఔషధాల్లోనూ వినియోగించాడు. బదనికతో తయారు చేసిన కషాయంతో కొన్ని జబ్బులు నయమవుతాయని, ఎలాంటి విషానికైనా విరుగుడుగా పనిచేస్తుందని భావించేవాడు. అంతేకాకుండా మనుషులు, జంతువులోనూ పునరుత్పత్తికి దోహదపడుతుందని నమ్మేవాడు. అయితే, నిజానికి ఇవన్నీ అసత్యాలని.. బదనిక ఆకులు తీసుకోవడం వల్ల శరీరం విషపూరితమవుతుందని డాక్టర్లు హెచ్చరిస్తున్నారు. 

తులసి మొక్క (Holy Basil): బృందావనానికి రక్షకురాలిగా వ్యవహరించటం ద్వారా కృష్ణుడికి, ఆయన భక్తులకు బృందాదేవి సేవ చేసిందని పురాణాలు చెబతున్నాయి. బృందావనం ప్రస్తుతం ఒక తీర్థ స్థలం బృందాదేవి మానవరూపం లో ఉన్న దేవత అయినప్పటికీ, ఆమె తులసి రూపంగా అవతరించాలని, ఆమె ఎక్కడ పెరిగినా అది బృందావనంలా మారుతుందని కృష్ణుడు ఆశీర్వదించినట్లు కొన్ని గ్రంథాలు చెబుతున్నాయి. ఆలయాల్లో, హిందువుల ఇళ్లలోనూ తులసి మొక్కను పూజించడం అనవాయితీగా వస్తుందని పురాణాలు చెబుతున్నాయి.

–వెలుగు,లైఫ్​‌‌–