చెన్నై: ఇంగ్లండ్ ఆల్రౌండర్ బెన్ స్టోక్స్ టీమ్లోకి రావడంపై కెప్టెన్ ఎం.ఎస్. ధోనీ సూపర్ హ్యాపీగా ఉన్నాడని చెన్నై సూపర్కింగ్స్ ఫ్రాంచైజీ సీఈవో కాశీ విశ్వనాథన్ అన్నారు. ఆక్షన్లో జరుగుతున్న పరిణామాలను తెలుసుకుంటూ.. తమ టీమ్ను మహీ చాలా గైడ్ చేశాడన్నారు. సీఎస్కే కెప్టెన్సీ స్టోక్స్ అప్పగించే విషయంపై ధోనీ తుది నిర్ణయం తీసుకుంటాడని కాశీ స్పష్టం చేశాడు.
‘మా లైనప్లోకి స్టోక్స్ రావడంపై మహీతో సహా అందరం సంతోషంగా ఉన్నాం. మరో ఆల్రౌండర్ లభించినందుకు ధోనీ హ్యాపీగా ఉన్నాడు. స్టోక్స్ రూపంలో కెప్టెన్సీ ఆప్షన్ ఉన్నా.. ఈ విషయంలో ధోనీదే తుది నిర్ణయం’ అని కాశీ పేర్కొన్నారు. మరోవైపు రాబోయే సీజన్లోనే స్టోక్స్.. ధోనీ నుంచి పగ్గాలు అందుకుంటాడని కివీస్ మాజీ ప్లేయర్ స్కాట్ స్టైరిస్ అంచనా వేశాడు. కెప్టెన్సీ కోసమే స్టోక్స్ను తీసుకున్నారని చెప్పాడు.
