- డిజీ లాకర్ ఫ్రీ క్లౌడ్ సర్వీస్
డిజీలాకర్లో అఫీషియల్ డాక్యుమెంట్లను ఆన్లైన్లో సేఫ్గా స్టోర్ చేసుకోవచ్చు. అంతే ఈజీగా యాక్సెస్ చేసి షేర్ చేయొచ్చు. ఫిజికల్ కాపీలలానే డిజీలాకర్ డాక్యుమెంట్లు వ్యాలిడ్ అవుతాయి. అయితే ఇప్పుడు ఈ సర్వీస్ ఫ్రీ క్లౌడ్ స్టోరేజీతో వస్తుంది. యూజర్లు తమ ఫోన్లేదా ల్యాప్టాప్ నుంచి ఫైల్స్, ఫొటోలు, వీడియోలు వంటి వాటిని అప్లోడ్ చేసుకోవచ్చు. దీంతో క్లౌడ్లో సేఫ్గా స్టోర్ చేయొచ్చు.
అవసరమైన చోట యాక్సెస్ చేయొచ్చు. ఫోన్ లేదా పీసీ నుంచి డేటా అప్లోడ్ చేశాక, కొత్త ఫోల్డర్లను కూడా క్రియేట్ చేయొచ్చు. డిజీలాకర్ డ్రైవ్ క్లౌడ్ స్టోరేజీ క్లెయిమ్ చేసుకోవాలంటే.. ముందుగా డిజిలాకర్ వెబ్సైట్ లేదా మొబైల్ యాప్లో లాగిన్ అవ్వాలి. కొత్తవాళ్లైతే అకౌంట్ క్రియేట్ చేసుకోవాల్సి ఉంటుంది. లాగిన్ అయిన తర్వాత డ్రైవ్ ఆప్షన్ సెలక్ట్ చేయగానే యాక్టివేట్ అవుతుంది.
దాంతో1జీబీ ఫ్రీ క్లౌడ్ స్టోరేజీ పొందొచ్చు. ఫైల్స్ స్టోర్ చేసేందుకు కుడివైపు పైన ఉన్న ప్లస్ ఐకాన్ మీద ట్యాప్ చేయాలి. కొత్త ఫోల్డర్ కోసం అయితే అప్లోడ్ ఫైల్స్ లేదా న్యూ క్రియేట్ ఫోల్డర్ సెలక్ట్ చేయాలి. అప్లోడ్ చేసిన డాక్యుమెంట్లు లేదా ఫైల్స్పై ఈ–సైన్ చేయొచ్చు. ఎప్పుడైనా డౌన్లోడ్ చేసి షేర్ చేసుకోవచ్చు.
ఆటో అప్డేట్ ఆఫ్ చేస్తే..
మొబైల్ డేటా త్వరగా అయిపోవడానికి కారణమేంటో తెలుసా? యాప్స్ వాడిన తర్వాత క్లియర్ చేయకపోవడం, అలాగే ఆటో అప్డేట్లో ఉంచడం వల్ల డేటా త్వరగా అయిపోతుంది. గూగుల్ ప్లే స్టోర్లో యాప్లకు అప్డేట్ ఆప్షన్ వచ్చిన వెంటనే యాప్లు వాటంతటవే అప్డేట్ అవుతుంటాయి. దీంతో డేటా ఖర్చు అవుతూ ఉంటుంది.
అందుకని మొబైల్లో యాప్స్ ఆటో అప్డేట్లో ఉంటే ఆఫ్ చేయాలి. తద్వారా డేటా సేవ్ అవుతుంది. మీ స్మార్ట్ ఫోన్లో డేటా సేవర్ మోడ్ ఆఫ్లో ఉంటే ఆన్ చేసి ఉంచాలి. ఇది ఫోన్లో రన్నింగ్లో ఉన్న యాప్స్కు డేటాను లిమిటెడ్గా వెళ్లేలా చేస్తుంది. ఈ సెట్టింగ్ ఆండ్రాయిడ్, ఐఒఎస్ రెండింటిలోనూ అందుబాటులో ఉంది. దీన్ని ఆన్ చేయడానికి ఫోన్ సెట్టింగ్లకు వెళ్లి నెట్ వర్క్ అండ్ ఇంటర్నెట్ ఆప్షన్పై క్లిక్ చేయాలి. ఆపై డేటా సేవర్ ఆన్ చేయాలి. మామూలుగా అయితే యూట్యూబ్ లేదా నెట్ఫ్లిక్స్లో చూసేటప్పుడు హైక్వాలిటీ పెట్టుకుంటుంటారు.
దానివల్ల డేటా ఎక్కువ ఖర్చు అవుతుంది. డేటా సేవ్ చేయాలనుకుంటే 720pకి తగ్గించాలి. మొబైల్లో డేటా లిమిట్ ఆప్షన్ ఉంటుంది. దాన్ని ఆన్లో ఉంచడం వల్ల డేటా ఆదా చేయొచ్చు. ఫోన్లోని సెట్టింగ్స్ ఓపెన్ చేసి కనెక్షన్లకు వెళ్లి డేటా యూజ్ ఎంచుకోవాలి. దాంతో రోజూ ఎంత డేటా వాడాలో చూపిస్తుంది. అక్కడ లిమిట్ సెట్ చేయాలి. లిమిట్ దాటితే వార్నింగ్ కూడా వస్తుంది. లేదా ఆటోమెటిక్గా డేటా ఆఫ్ అవుతుంది.
