కన్నడ స్టార్ డైరెక్టర్ ప్రశాంత్ నీల్(Prashanth Neel) షాకింగ్ కామెంట్స్ చేశారు. ఇటీవల ఓ ఇంటర్వ్యూలో పాల్గొన్న ఆయన తన డ్రీమ్ గురించి చెప్పుకొచ్చారు. చనిపోయేలోపు ఆ హీరోతో సినిమా చేస్తానని, అదే తన కల అని వివరించారు. ప్రస్తుతం దర్శకుడు ప్రశాంత్ చేసిన ఈ కామెంట్స్ సోషల్ మీడియాలో వైరల్ అవుతున్నాయి.
ఇంతకీ అసలు విషయం ఏంటంటే.. దర్శకుడు ప్రశాంత్ నీల్ తెరకెక్కిస్తున్న లేటెస్ట్ పాన్ ఇండియా మూవీ సలార్. గ్లోబల్ స్టార్ ప్రభాస్ హీరోగా వస్తున్న ఈ సినిమాపై ప్రేక్షకుల్లో భారీ అంచనాలున్నాయి. అందుకే ఈ సినిమా కోసం చాలా కాలంగా ఎదురుచూస్తున్నారు ఆడియన్స్. వారి ఎదురుచూపులకి పులిష్టాప్ పెడుతూ డిసెంబర్ 22న ఈ సినిమా ప్రేక్షకుల ముందుకు రానుంది. ఇక రిలీజ్ డేట్ దగ్గర పడుతుండటంతో.. ప్రమోషన్స్ పనుల్లో వేగం పెంచారు మేకర్స్. ఇందులో భాగంగా తాజాగా ఆన్ ఇంటర్వ్యూలో పాల్గొన్నారు దర్శకుడు ప్రశాంత్ నీల్.
ఈ సందర్బంగా అయన మాట్లాడుతూ.. తన ఫేవరేట్ నటుడు గురించి ఆసక్తికరమైన విషయాలు చెప్పుకొచ్చారు.. చనిపోయే లోపు అమితాబ్ బచ్చన్తో ఒక మూవీ చేయాలనేది నా కోరిక. ఆయనంటే నాకు చాలా ఇష్టం. ఆయన సినిమాలు చూసి చాలా నేర్చుకున్నాను. ఆయనతో సినిమా తీయాలనేది నా అతిపెద్ద కల. నా సినిమాలో ఆయన్ను పెద్ద విలన్గా చూపిస్తా. నాతో సినిమా చేయడానికి ఆయన ఒప్పుకుంటే.. నా జీవితానికి అదొక పెడ్తా గౌరవంగా భావిస్తాను.. అని చెప్పుకొచ్చారు ప్రశాంత్ నీల్. ప్రస్తుతం ప్రశాంత్ నీల్ తన ఫేవరేట్ యాక్టర్ గురించి చెప్పిన ఈ మాటలు సోషల్ మీడియాలో ట్రెండ్ అవుతున్నాయి. మరి ఈ దర్శకుడి కల ఎప్పుడు నెరవేరుతుందో చూడాలి.
