- భారీ కాన్వాయ్తో హడావుడి
- హైవేలో ట్రాఫిక్జామ్తో జనానికి ఇబ్బందులు
పరిగి, వెలుగు: బీఆర్ఎస్ పరిగి సెగ్మెంట్లో వర్గ పోరు కొనసాగుతోంది. వచ్చే ఎన్నికల్లోనూ పరిగి ఎమ్మెల్యే టికెట్ తనకే వస్తుందని ఎమ్మెల్యే కొప్పుల మహేశ్రెడ్డి ధీమాతో ఉండగా.. ‘లేదు ఈసారి నాకు వస్తుందని’ఉమ్మడి రంగారెడ్డి జిల్లా డీసీసీబీ చైర్మన్ బుయ్యని మనోహర్ రెడ్డి సన్నిహితుల దగ్గర చెప్పుకుంటున్నట్లు సమాచారం. కొన్ని రోజులుగా వీరిద్దరూ ఏ ప్రోగ్రామ్కు వెళ్లినా భారీ కాన్వాయ్ల్లో అనుచరులు, కార్యకర్తలను వెంట తీసుకెళ్తూ హడావుడి చేస్తున్నారు. ఆదివారం మహేశ్ రెడ్డి బర్త్ డే కాగా.. ఆయన అనుచరులు మన్నెగూడ నుంచి పరిగి పట్టణానికి సుమారు 70 కాన్వాయ్లతో భారీ ర్యాలీ నిర్వహించారు. ఎమ్మెల్యే ఇంటి ముందు సుమారు 20 నిమిషాల పాటు కాన్వాయ్లను ఆపి ఆయనకు సన్మానం చేయడంతో ట్రాఫిక్జామ్ఏర్పడి వాహనదారులు ఇబ్బందులు పడ్డారు. ఇదిలా ఉంటే.. బుయ్యని మనోహర్ రెడ్డి మాదారం గ్రామంలోని ప్రభుత్వ స్కూల్ లో టెన్త్ స్టూడెంట్లకు స్టడీ మెటీరియల్ అందించేందుకు సోమవారం సుమారు 60 కాన్వాయ్లతో బయలుదేరి వెళ్లారు. దీంతో ఆ రూట్లో ట్రాఫిక్ జామ్ ఏర్పడింది. ఎమ్మెల్యే మహేశ్ రెడ్డి, మనోహర్ రెడ్డి చేస్తున్న ఈ హడావుడి తమకు ఇబ్బందిగా మారుతోందని జనం ఆగ్రహం వ్యక్తం చేస్తున్నారు.
