పాలమూరు, వెలుగు: అయోధ్యలో రామ మందిర నిర్మాణంతో దేశంలోని లక్షలాది మంది రామభక్తుల కల నెరవేరిందని బీజేపీ జాతీయ ఉపాధ్యక్షురాలు డీకే అరుణ పేర్కొన్నారు. గురువారం మహబూబ్నగర్ రైల్వేస్టేషన్లో అయోధ్య దర్శనం కోసం ఏర్పాటు చేసిన ఆస్తా స్పెషల్ ఎక్స్ప్రెస్ రైలును జెండా ఊపి ప్రారంభించారు.
జిల్లాలోని వివిధ ప్రాంతాల నుంచి వచ్చిన భక్తులు చేసిన జై శ్రీరాం నినాదాలతో రైల్వే స్టేషన్ ప్రాంగణం మార్మోగింది. ఈ సందర్భంగా ఆమె మాట్లాడుతూ అయోధ్యకు వెళ్లేందుకు భక్తులు ఎక్కువ మంది ఆసక్తి చూపుతున్నారని, కేంద్ర ప్రభుత్వ పెద్దలతో మాట్లాడి మరో రెండు రైళ్లను ఏర్పాటు చేసేందుకు కృషి చేస్తానని తెలిపారు. ట్రైన్లో భోజన వసతి ఏర్పాటు చేశామని, ప్రతి బోగీకి ఇన్చార్జిని నియమించామని చెప్పారు. ఏపీ మిథున్ రెడ్డి, పద్మజారెడ్డి, శ్రీనివాస్ రెడ్డి పాల్గొన్నారు.
